ޕްރޮސިކިއުޓަރ ޖެނެރަލް ވ. އިބްރާހީމް ނިހާން

ރަސްދޫ މެޖިސްޓްރޭޓް ކޯޓުން، ބަންދުގައި ބަހައްޓާނެ ޤާނޫނީ ހަމައެއް ނެތްކަމަށް ކަނޑައަޅައި ޝަރުޠުތަކާއެކު ބަންދުން ދޫކޮށްލުމަށް އަމުރުކުރިއެވެ.

ކުޑަ އަންހެން ކުއްޖަކު ގެސްޓްހައުސަކަށް ގެންގޮސް ގްރޫމްކޮށް އެހެން ފަރާތަކާއެކު ޖިންސީ ޢަމަލު ހިންގުމަށް ހިތްވަރުދިންކަމުގެ ތުހުމަތުގައި ތުހުމަތުކުރެވޭ ފަރާތް ހައްޔަރުކޮށް، ހެކިވެރިންނަށް ނުފޫޒު ފޯރުވުމާއި މުޖުތަމަޢުގެ ސަލާމަތަށް ނުރައްކާވުމުގެ ސަބަބުން ބަންދުގެ މުއްދަތު ކިތަންމެ ފަހަރަކު އިތުރުކުރެވިފައިވެއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ނ) އާއި 60 ވަނަ މާއްދާއާ ޚިލާފު، އަދި ޤާނޫނުއަސާސީގެ 143 (ރ) ގެ ތަބާވުމުގެ އުޞޫލާ ޚިލާފު އަމުރެއް ކަމަށެވެ.

ކުޑަ ކުއްޖަކަށް ޖިންސީ ގޯނާކުރުމަށް ހިތްވަރުދީ ކުއްޖާ ގްރޫމްކުރިކަމުގެ ތުހުމަތުގައި ބަންދުގައި ތިބި ފަރާތެއް، ޤާނޫނީ ހަމައެއް ނެތްކަމަށް ބުނެ ޝަރުޠުތަކާއެކު ބަންދުން ދޫކޮށްލި މެޖިސްޓްރޭޓް ކޯޓުގެ އަމުރަކީ ޖިނާއީ އިޖުރާއަތުގެ ޤާނޫނުގެ 22 (ނ) އާއި 60 ވަނަ މާއްދާއާ އެއްގޮތް އަމުރެއްތޯ.

ދަށުކޯޓުގެ އަމުރު ބާޠިލު، އަލުން ބެލުމަށް ފޮނުވި

ތުހުމަތު އުފެދޭ މިންވަރުގެ ހެކި ހުރިއިރު، ކުރީގެ ސަބަބުތައް ހުރިކަން ނުވަތަ ފިލާދިޔަކަމާމެދު ދަށުކޯޓުން ގޮތެއް ނިންމާފައި ނުވާއިރު، 'ޤާނޫނީ ހަމައެއް ނެތް' ކަމަށް ބުނި ހަމައަކީ ކޮބައިކަން ބަޔާންކޮށްފައި ނުވެއެވެ. ތުހުމަތަކީ ޖިނާއީ ބޮޑު ކުށެއް ކަމުން އަމުރު ބާޠިލުކޮށް އަލުން ބެލުމަށް ފޮނުވިއެވެ.