ޕްރޮސިކިއުޓަރ ޖެނެރަލް ވ. ޢަލީ ޝަފީޤު

ކްރިމިނަލް ކޯޓުން 23 ޖުލައި 2018 ގައި ކުރީގެ ބަންދުގެ އަމުރު ބާޠިލުކޮށް ތުހުމަތުކުރެވޭ ފަރާތް ޝަރުޠުކޮށް ދޫކޮށްލި.

ރާއްޖެއިން ބޭރުގައި ހިނގާ ހަނގުރާމައެއްގައި ބައިވެރިވުމަށް ރާއްޖެ ދޫކޮށް ދިއުމުގެ ތުހުމަތުގައި، 27 ނޮވެމްބަރު 2017 ގައި ޝަރީޢަތް ނިމެންދެން ރިމާންޑް ޖަލެއްގައި ބަންދުކުރުމަށް ކްރިމިނަލް ކޯޓުން އަމުރުކޮށްފައިވިއެވެ.

ޕްރޮސިކިއުޓަރ ޖެނެރަލް ބުނީ، އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22(ނ)، 59، 60 ވަނަ މާއްދާތަކާއި 143(ރ) ގެ އުޞޫލާ ޚިލާފު އަމުރެއް ކަމަށެވެ.

ރާއްޖެއިން ބޭރުގައި ހިނގާ ހަނގުރާމައެއްގައި ބައިވެރިވުމަށް ރާއްޖެ ދޫކޮށް ދިއުމުގެ ތުހުމަތުގައި ޝަރީޢަތް ނިމެންދެން ބަންދުކުރުމަށް ނެރުނު އަމުރު ބާޠިލުކޮށް، ޝަރުޠުކޮށް ދޫކޮށްލުމަށް ކްރިމިނަލް ކޯޓުން ނެރުނު އަމުރު ޤާނޫނާ ޚިލާފުވޭތޯ.

ޝަރުޠުކޮށް ދޫކޮށްލުމުގެ ނިންމުން ބާޠިލު؛ ޕްރޮސިކިއުޓަރ ޖެނެރަލް ހުށަހަޅައިފިނަމަ ބަންދާމެދު ކްރިމިނަލް ކޯޓުން އަލުން ގޮތެއް ނިންމަން ކަނޑައެޅި

ޓެރަރިޒަމް މަނާކުރުމުގެ ޤާނޫނުގެ 26 ވަނަ މާއްދާގެ ދަށުން ޤާނޫނުއަސާސީގެ 49 ވަނަ މާއްދާގެ ޙާލަތެއް ވުޖޫދުގައިވާނަމަ ބަންދުގައި ބެހެއްޓުން ލާޒިމުވާތީއާއި ކުށުގެ ނުރައްކާތެރިކަމަށް ބަލައި އަމުރަށް ބަދަލު ގެންނަންޖެހޭ ކަމަށާއި، ޝަރީޢަތް ހިނގަމުންދާތީ ބަންދާމެދު ގޮތެއް ނިންމަންވާނީ މައްސަލަ ބައްލަވާ ކޯޓުން ކަމަށް ކަނޑައެޅި.