ޕްރޮސިކިއުޓަރ ޖެނެރަލް ވ. ޙަސަން ޝަބީން

ތަޙުޤީޤު ފުރިހަމަކޮށް ޕްރޮސިކިއުޓުކުރުމަށް އަންގާފައިވީނަމަވެސް އެކަން ފުރިހަމަ ނުކުރާތީ ކަމަށް ބަޔާންކޮށް ކްރިމިނަލް ކޯޓުން ޝަރުޠުކޮށް ބަންދުން ދޫކޮށްލުމަށް 27 ޑިސެމްބަރު 2018 ގައި އަމުރުކުރިއެވެ.

ތުހުމަތުކުރެވޭ ފަރާތުގެ މައްޗަށް ބްލެކްމެއިލްކޮށް ބިރުދެއްކުން ހިމެނޭ ގޮތަށް އެތައް ކުށެއްގެ ތުހުމަތު ކުރެވިފައިވާ މައްސަލައެއްގައި ބަންދުގައި ބެހެއްޓުމަށް ކްރިމިނަލް ކޯޓަށް އެދުނެވެ.

ޕީޖީ ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ށ)، 59، 60 (ށ) އަދި 94 (ރ) އާ ޚިލާފު، އަދި މަތީ ކޯޓުތަކުގެ ނިންމުންތަކަށް ތަބާނުވާ (ޤާނޫނުއަސާސީގެ 143 (ރ)) އަމުރެއް ކަމަށެވެ.

ތަޙުޤީޤު ފުރިހަމަކޮށް ޕްރޮސިކިއުޓުކުރުމަށް އަންގާފައިވީނަމަވެސް އެކަން ފުރިހަމަ ނުކުރާތީ ތުހުމަތުކުރެވޭ ފަރާތް ޝަރުޠުކޮށް ބަންދުން ދޫކޮށްލި ކްރިމިނަލް ކޯޓުގެ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ށ) އާ އެއްގޮތްވާ އަމުރެއްތޯ؛ ބަންދާމެދު ގޮތެއް ނިންމުމުގައި ފަނޑިޔާރު ބަލަންޖެހޭ ސަބަބުތަކަކީ ކޮބައިތޯ.

ބަންދުން ދޫކޮށްލި ނިންމުން ބާޠިލު؛ ޕީޖީ ހުށަހަޅައިފިނަމަ ބަންދާމެދު ކްރިމިނަލް ކޯޓުން އަލުން ގޮތެއް ނިންމަން ފޮނުވި

ތުހުމަތުކުރެވޭ މިންވަރުގެ ހެކި ހުރެ، ހެއްކަށް ނުފޫޒު ފޯރުވުމާއި މުޖުތަމަޢުގެ ސަލާމަތަށް ނުރައްކާވުމުގެ އިޙުތިމާލު އޮތްކަން ފެންނާތީ، 60 (ށ) ގެ ދަށުން ބަންދުކުރުން ލާޒިމުކަމުން އަމުރަށް ބަދަލުގެންނަން ޖެހެއެވެ. މައްސަލަ ޝަރީޢަތުގައި އޮތުމުން ބަންދާމެދު ނިންމަންވާނީ މައްސަލަ ބައްލަވާ ފަނޑިޔާރެވެ.