ޕްރޮސިކިއުޓަރ ޖެނެރަލް ވ. ޢަބްދުﷲ އިބްރާހީމް

ކްރިމިނަލް ކޯޓުން 30.09.2019 ގައި ތުހުމަތުކުރެވޭ ފަރާތް ޝަރުޠުތަކާއެކު ބަންދުން ދޫކޮށްލުމަށް އަމުރުކުރިއެވެ.

މަސްތުވާތަކެތި ދިވެހިރާއްޖެއަށް އެތެރެކޮށް ވިޔަފާރިކުރާ ކަމުގެ ތުހުމަތުގައި ހައްޔަރުކުރެވުނު ފަރާތް، ޝަރީޢަތް ނިމެންދެން ކަސްޓޯޑިއަލް ޖަލެއްގައި ބަންދުގައި ބެހެއްޓުމަށް ޕްރޮސިކިއުޓަރ ޖެނެރަލް ކްރިމިނަލް ކޯޓަށް އެދުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59، 60 (ށ) އާއި ޚިލާފު، ޖިނާއީ އިޖުރާއަތުގެ ޤާނޫނުގެ 63 ވަނަ މާއްދާއަށް ރިޢާޔަތްނުކޮށް ނެރުނު، އަދި ޤާނޫނުއަސާސީގެ 143 (ރ) ގެ މަތީ ކޯޓުތަކުގެ ނިންމުންތަކަށް ތަބާވުމުގެ އުޞޫލާ ޚިލާފު އަމުރެއް ކަމަށެވެ.

މަސްތުވާތަކެތި ދިވެހިރާއްޖެއަށް އެތެރެކޮށް ވިޔަފާރިކުރާ ކަމުގެ ތުހުމަތުގައި ހައްޔަރުކުރެވުނު ފަރާތް، ޝަރީޢަތް ނިމެންދެން ބަންދުގައި ބެހެއްޓުމަށް ޕްރޮސިކިއުޓަރ ޖެނެރަލް އެދުނުއިރު، ޝަރުޠުތަކާއެކު ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރު ޖިނާއީ އިޖުރާއަތުގެ ޤާނޫނާއި ޤާނޫނުއަސާސީއާ ޚިލާފުވޭތޯ.

ދަށުކޯޓުގެ އަމުރު ބާޠިލު، ބަންދާމެދު އަލުން ގޮތެއް ނިންމުމަށް ކްރިމިނަލް ކޯޓަށް

ތުހުމަތު އުފެދޭ މިންވަރަށް ހެކި ހުރެ ކުށަކީ ޖިނާއީ ބޮޑު ކުށެއް ކަމުން 60 (ށ) ގެ ދަށުން ބަންދުގައި ބެހެއްޓުން ލާޒިމުވާތީ އަމުރަށް ބަދަލު ގެންނަންޖެހޭ ނަމަވެސް، ބަންދާމެދު ނިންމަންޖެހޭނީ މައްސަލަ ބައްލަވާ ފަނޑިޔާރު ކަމުން އަލުން ގޮތެއް ނިންމުމަށް ކްރިމިނަލް ކޯޓަށް ބަޔާންކުރިއެވެ.