ޕްރޮސިކިއުޓަރ ޖެނެރަލް ވ. ޙަސަން މަމްދޫޙް

ކްރިމިނަލް ކޯޓުން އަމުރު ބާޠިލުނުކޮށް 45 ދުވަހަށް މެދުކަނޑާލައި، ޕާސްޕޯޓް ދޫކޮށް ފުރުމުގެ ހުއްދަ ދިނެވެ.

ފޯޖު ލިޔުމެއް ބޭނުންކޮށް އެޕާޓްމަންޓް ވިއްކާ މަކަރުހެދިކަމުގެ ތުހުމަތުގައި ކްރިމިނަލް ކޯޓުން ތުހުމަތުކުރެވޭ ފަރާތުގެ ޕާސްޕޯޓް ހިފެހެއްޓުމަށް އަމުރުކުރިއެވެ. އަނބިމީހާ ބޭރުގައި ވިހެއުމުން ދަރިފުޅުގެ ލިޔެކިޔުން ހެދުމަށް ފުރަން ބޭނުންވާކަމަށް ބުނެ އަމުރު މުރާޖަޢާކުރުމަށް އެދުނެވެ.

ޕީޖީ ބުނީ ހިފެހެއްޓުމުގެ ޙާލަތު ދެމިއޮތްއިރު ފުރުމުގެ ހުއްދަދިނީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 75 ވަނަ މާއްދާގެ (ބ) އާ ޚިލާފަށް ކަމަށާއި، އަޑުއެހުމުގައި ވާހަކަދެއްކުމުގެ ފުރުޞަތު ނުދިނީ ޤާނޫނާ ޚިލާފަށް ކަމަށެވެ. ރައްދުވާ ފަރާތް ބުނީ ޙާލަތު ބަދަލުވެފައިވާކަމަށާއި ތަޙުޤީޤު މަރުޙަލާގެ އަޑުއެހުމުގައި ޕީޖީ ބައިވެރިވާނެ ގޮތެއް ނެތްކަމަށެވެ.

ޕާސްޕޯޓް ހިފެހެއްޓުމުގެ އަމުރު ބާޠިލުނުކޮށް ޚާއްޞަ ޙާލަތެއްގެ ސަބަބުން ވަގުތީގޮތުން ޕާސްޕޯޓް ދޫކޮށް ފުރުމުގެ ހުއްދަ ދިން ނިންމުމަކީ ޖިނާއީ އިޖުރާއަތުގެ ޤާނޫނުގެ 75 ވަނަ މާއްދާގެ (ބ) އާ އެއްގޮތް ނިންމުމެއްތޯ؛ އަދި އެފަދަ އަމުރެއް މުރާޖަޢާކުރާ އަޑުއެހުމުގައި ވާހަކަދެއްކުމުގެ ފުރުޞަތު ޕްރޮސިކިއުޓަރ ޖެނެރަލްއަށް ލިބިގެންވޭތޯ.

ދަށުކޯޓުގެ ނިންމުން ބާޠިލު

ޚާއްޞަ ޙާލަތުގެ މަޤްޞަދު އެނޫން ގޮތަކަށް ޙާޞިލުކުރެވޭތޯ ނުބަލާ، ފަރާތްތަކަށް ވާހަކަދައްކާ ފުރުޞަތު ނުދީ، ފިލައިގެން ދިއުމުގެ އިޙްތިމާލު ވަޒަންނުކޮށް ނިންމީތީ ނިންމުން ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 75 ވަނަ މާއްދާގެ (ބ) އާ އެއްގޮތް ނުވެއެވެ.