ޢަބްދުﷲ ޖިހާދު ވ. ޕްރޮސިކިއުޓަރ ޖެނެރަލް

ޖިނާއީ އިޖުރާއަތުގެ ޤާނޫނުގެ 75 ވަނަ މާއްދާއާއި 2019/HC-A/473 ގެ އުޞޫލުތަކަށް ރިޢާޔަތްކޮށް، އަނބުރާ ނައުމުގެ އިޙްތިމާލު އޮތުމުން 20 ޖަނަވަރީ 2021 ގެ ނިޔަލަށް ފުރުން މަނާކޮށް ކްރިމިނަލް ކޯޓުން އަމުރުކުރިއެވެ.

ކްރިމިނަލް ކޯޓުގައި ކޮރަޕްޝަނުގެ ކުށެއްގެ ދަޢުވާ ލިބިފައިވާ ފަރާތަކު ރާއްޖެއިން ބޭރަށް ފުރުމުގެ ހުއްދައަށް އެދުމުން، ޕްރޮސިކިއުޓަރ ޖެނެރަލް ސިޓީއަކުން އަޑުއެހުމަކަށް އެދުނެވެ.

އިސްތިއުނާފުކުރި ފަރާތުން ބުނީ އަމުރަކީ 75 (ށ) އާއި ޤާނޫނުއަސާސީގެ 41 (ހ) އާއި 16 (ނ) އާ ޚިލާފު އަމުރެއް ކަމަށާއި، ދަޢުވާ ކުށަކީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 22 ވަނަ މާއްދާގެ ކުށެއް ނޫންކަމަށާއި، 2019/HC-A/473 ތަޠުބީޤުކުރީ ރަނގަޅަށް ނޫންކަމަށެވެ. ޕްރޮސިކިއުޓަރ ޖެނެރަލް ބުނީ ޝަރީޢަތަށް ހުށަހެޅުނު މައްސަލައެއްގައި ޖިނާއީ އިޖުރާއަތުގެ ޤާނޫނުގެ 75 ވަނަ މާއްދާގެ އަމުރަކަށް ޕްރޮސިކިއުޓަރ ޖެނެރަލް އެދެވޭކަމަށާއި ހެއްކަކީ ހުށަހެޅި ޓިކެޓް ކަމަށެވެ.

ދަޢުވާ ލިބިފައިވާ ފަރާތަކު ފުރައިގެން ދިއުމުގެ ހުއްދައަށް އެދުމުން، ޕްރޮސިކިއުޓަރ ޖެނެރަލްގެ ސިޓީއެއްގެ މައްޗަށް ޖިނާއީ އިޖުރާއަތުގެ ޤާނޫނުގެ 75 ވަނަ މާއްދާގެ ދަށުން ފުރުން މަނާކޮށް ކްރިމިނަލް ކޯޓުން ނެރުނު އަމުރަކީ ޤާނޫނާ އެއްގޮތަށް ނެރުނު އަމުރެއްތޯ.

ކްރިމިނަލް ކޯޓުގެ އަމުރު ބާޠިލު

ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 75 ވަނަ މާއްދާ ޕްރޮސިކިއުޓަރ ޖެނެރަލް އެދޭ ގޮތަށް ތަރުޖަމާކުރި ނަމަވެސް އެ މާއްދާގެ އިޖުރާއަތު ފުރިހަމަކޮށްފައި ނުވާތީ، ފިލައިގެން ދާން އުޅޭކަމުގެ ހެއްކެއް ނެތުމާއި، ކުށަކީ ޖިނާއީ އިޖުރާއަތުގެ ޤާނޫނުގެ 22 ވަނަ މާއްދާގެ ބޮޑުކުށެއް ނޫންކަމާއި، 2019/HC-A/473 ގެ ޙާލަތު ތަފާތުވާތީ އަމުރު ބާޠިލުކުރެވުނެވެ.