ޕްރޮސިކިއުޓަރ ޖެނެރަލް ވ. ފަޔާޟް އަޙްމަދު

ވިލިނގިލި މެޖިސްޓްރޭޓް ކޯޓުން ބަންދުގައި ބަހައްޓަންޖެހޭ ސަބަބެއް ނުފެންނާތީ، ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ރ) ގެ (2) ގެ ދަށުން ޝަރުތުތަކާއެކު ބަންދުން ދޫކޮށްލިއެވެ.

އެއަރޕޯޓުން ފުރަން ދިޔަ ފަތުރުވެރިއެއްގެ ދަބަހުން 21،500 ޔޫރޯ ވައްކަންކުރި މައްސަލައިގައި، ވައްކަންކުރި މީހާ ދިން ފައިސާ ހުރި ކޮތަޅާ ޙަވާލުވި ފަރާތް ހައްޔަރުކުރިއެވެ.

ޕީޖީ އޮފީހުން ބުނީ ތުހުމަތަކީ ޖިނާއީ ބޮޑު ކުށެއްކަމަށާއި، ފައިސާގެ ބައެއް ނުފެންނާތީ ފޮރުވުމާއި ހެކިންނަށް ނުފޫޒު ފޯރުވުމާއި މުޖުތަމަޢުގެ ސަލާމަތަށް ނުރައްކަލެއް އޮތްކަމަށެވެ. ރައްދުވާ ފަރާތުން ބުނީ ފައިސާ ފުލުހުންނާ ޙަވާލުކޮށް އެއްބާރުލުން ދީފައިވާކަމަށާއި، ކުށުގެ ރެކޯޑެއް ނެތްކަމަށާއި، ޝަރީޢަތްކުރުމާބެހޭ ޖިނާއީ އިޖުރާއަތުގެ ޤަވާޢިދުގެ 13 ވަނަ މާއްދާގެ ޙާލަތްތައް ތަޠްބީޤު ނުވާކަމަށެވެ.

ފަތުރުވެރިއެއްގެ ދަބަހުން ފައިސާ ވައްކަންކުރި މައްސަލައިގައި ބައިވެރިވިކަމުގެ ތުހުމަތުގައި ހައްޔަރުކުރި ފަރާތް ޝަރުތުތަކާއެކު ބަންދުން ދޫކޮށްލި މެޖިސްޓްރޭޓް ކޯޓުގެ އަމުރު، ތުހުމަތަކީ ޖިނާއީ ބޮޑު ކުށަކަށްވުމާއި ހެކި ހުރުމާ އެކު، ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނާ ޚިލާފުވޭތޯ.

އިސްތިއުނާފު ބަލައިނުގަނެ، ބަންދުން ދޫކޮށްލި އަމުރު ޤާއިމް (ރައުޔުން ދޭހަވާ ގޮތުން)

ޖިނާއީ ބޮޑު ކުށެއްގެ ތުހުމަތު އޮތުން ހަމައެކަނި ބަންދަށް ސަބަބެއް ނުވެއެވެ. އިތުރު ފައިސާއެއް އޭނާގެ އަތުގައި ހުރިކަމަށް ބެލެވޭނެ ހަރުދަނާ ސަބަބެއް ފުލުހުން ބުނެދީފައި ނުވާއިރު، ޝަރީޢަތްކުރުމާބެހޭ ޖިނާއީ އިޖުރާއަތުގެ ޤަވާޢިދުގެ 13 ވަނަ މާއްދާގެ މިންގަނޑުން ވަޒަންކުރާއިރު ޤާނޫނުއަސާސީގެ 49 ވަނަ މާއްދާގެ ޙާލަތެއް ދައުލަތުން ސާބިތުކޮށްފައި ނުވެއެވެ.