ޕްރޮސިކިއުޓަރ ޖެނެރަލް ވ. އައިހަމް މުޙައްމަދު

ކްރިމިނަލް ކޯޓުން، ފެނުނު މަސްތުވާތަކެއްޗަކީ ތުހުމަތުކުރެވޭ ފަރާތުގެ ތަކެތިކަން ސާބިތުވާ މިންވަރަށް ހެކި ނެތުމުން، ކެނެބިސް ޓްރެފިކްކުރުމުގެ ދަޢުވާ އެކަށީގެންވާ ޝައްކެއްނެތް މިންވަރަށް ސާބިތުނުވާކަމަށް ޙުކުމްކުރިއެވެ.

ފުލުހުންނަށް ލިބުނު މަޢުލޫމާތަކާ ގުޅިގެން ހުޅުމާލެއިން މާލެ އައި ފެރީން ފައިބައި ސައިކަލުގައި ނިކުތް ތުހުމަތުކުރެވޭ ފަރާތުގެ ސައިކަލުގެ މަޑިދަށުން ބޮޑު އަދަދެއްގެ ކެނެބިސް ފެނުނެވެ.

ދައުލަތުން ބުނީ ސައިކަލު ފެރީއަށް އެރުވީ ތުހުމަތުކުރެވޭ ފަރާތް ކަމަށާއި ފެރީގެ ކުރު ވަގުތުގައި އެހެން މީހަކު ތަކެތި ލާނެކަމަށް ނުބެލެވޭނެ ކަމަށާއި ތަކެތި އޭނާގެ ޙިޔާޒަތުން ފެނުނު ކަމަށެވެ. ދިފާޢުން ބުނީ ސައިކަލުގެ ކޮންޓްރޯލް އޭނާއަށް ނެތް ކަމަށާއި ފެރީގައި އެހެން މީހުންނަށް ތަކެތި ލުމުގެ ފުރުޞަތު އޮތް ކަމަށެވެ.

ތުހުމަތުކުރެވޭ ފަރާތުގެ ސައިކަލުގެ މަޑިދަށުން ފެނުނު ކެނެބިސް އޭނާގެ ޙަޤީޤީ ޙިޔާޒަތުގައި ހުރިކަމަށް ބެލެވޭތޯ، އަދި އެ މަސްތުވާތަކެއްޗަކީ އޭނާގެ ތަކެތިކަން ސާބިތުނުވާކަމަށް ކަނޑައަޅައި ދަޢުވާ ސާބިތުނުވާކަމަށް ދަށުކޯޓުން ނިންމުން ރަނގަޅުތޯ.

ދަށުކޯޓުގެ ޙުކުމް ބާޠިލު؛ ކެނެބިސް ޓްރެފިކްކުރުމުގެ ކުށް ސާބިތުވެ، އުމުރަށް ޖަލަށްލުމާއެކު 100,000 ރުފިޔާގެ ޖުރުމާނާ

ސައިކަލަކީ އޭނާގެ ސައިކަލެއްކަމާއި ތަކެތި ފެނުނުއިރު އޭނާ ސައިކަލުގައި އިންކަން އެނގޭތީ ތަކެތި ފެނުނީ އޭނާގެ ޙަޤީޤީ ޙިޔާޒަތުންނެވެ؛ ކޮންޓްރޯލް ގެއްލުނު ގޮތެއް ސާބިތުކޮށްނުދެވުނެވެ؛ ވަރަށް ބޮޑު އަދަދަކީ އެހެން މީހަކު ލާފާނެ އަދަދެއް ނޫނެވެ.