ޕްރޮސިކިއުޓަރ ޖެނެރަލް ވ. އަޙްމަދު ޝުޢާޢު

ހިތަދޫ މެޖިސްޓްރޭޓް ކޯޓުން، ތަޙްޤީޤު ނިމިފައިވާތީ އިތުރަށް ބަންދުގައި ބަހައްޓަންޖެހޭ ސަބަބެއް ނުފެންނާތީ ބަންދުން ދޫކުރުމަށް އަމުރުކުރިއެވެ.

ގްރޫޕް ހަދައިގެން ތޫނު ހަތިޔާރާއި ދަގަނޑުބުރި ފަދަ ތަކެތި ހިފައިގެން ދެމީހަކަށް ހަމަލާދީ މާރާމާރީ ހިންގިކަމުގެ ތުހުމަތުގައިވާ މީހާ ބަންދުގައި ބެހެއްޓުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި، ޖިނާއީ އިޖުރާއަތުގެ ޤާނޫނުގެ 59، 60 ވަނަ މާއްދާއާއި، 17/2010 ގެ 12، 16 ވަނަ މާއްދާއާއި، ޤާނޫނުއަސާސީގެ 143 (ރ) އާ ޚިލާފު އަމުރެއް ކަމަށެވެ.

ގްރޫޕް ހަދައިގެން ތޫނު ހަތިޔާރު ހިފައިގެން މާރާމާރީ ހިންގުމުގެ ތުހުމަތުގައިވާ މީހަކު، ތަޙްޤީޤު ނިމިފައިވާތީ ބަންދުން ދޫކުރުމަށް މެޖިސްޓްރޭޓް ކޯޓުން ނެރުނު އަމުރަކީ ޤާނޫނުއަސާސީގެ 49 ވަނަ މާއްދާއާއި، ޖިނާއީ އިޖުރާއަތުގެ ޤާނޫނާއި، ޤާނޫނު ނަންބަރު 17/2010 ގެ 12 އަދި 16 ވަނަ މާއްދާއާ އެއްގޮތްވާ އަމުރެއްތޯ.

ދަށުކޯޓުގެ އަމުރު ބާޠިލު؛ ބަންދާމެދު އަލުން ގޮތެއް ނިންމުމަށް މެޖިސްޓްރޭޓް ކޯޓަށް ކަނޑައެޅި

ތުހުމަތުކުރެވޭ ކުށަކީ 17/2010 ގެ ދަށުން ބަންދުގައި ބެހެއްޓުން ލާޒިމުކުރާ ބާވަތުގެ ނުރައްކާތެރި ކުށެއްކަމުން އަމުރު ބާޠިލުކޮށް، ޝަރީޢަތް ހިނގަމުންދާތީ ޕްރޮސިކިއުޓަރ ޖެނެރަލް ހުށަހަޅައިފިނަމަ ހައިކޯޓުގެ ނިންމުމުގެ އަލީގައި ބަންދާމެދު ދަށުކޯޓުން އަލުން ގޮތެއް ނިންމަން ކަނޑައެޅިއެވެ.