ޕްރޮސިކިއުޓަރ ޖެނެރަލް ވ. އަޙްމަދު އިބްރާހީމް

ކްރިމިނަލް ކޯޓުން، ހެކިންގެ ހެކިބަހުން ކުށް ކުރިކަން ނޭނގޭތީއާއި ކުއްޖާގެ ބަސް ވަރުގަދަކުރާ އިތުރު ހެއްކެއް ނުވަތަ ޤަރީނާއެއް ނެތުމުން، ހަމައެކަނި ކުއްޖާގެ ބަހަކީ ކުށް ސާބިތުކުރަން ފުދޭ ހެއްކެއް ނޫން ކަމަށް ބުނެ ދަޢުވާ ސާބިތުނުވާކަމަށް ޙުކުމްކުރިއެވެ.

ތުހުމަތުކުރެވޭ ފަރާތް ރަށަކަށް އަރުވާލެވިފައި ހުރިއިރު ކުޑަކުއްޖަކާ އެއް ކޮޓަރީގައި ނިދަމުން ގާތްގަނޑަކަށް ދިގު މުއްދަތެއްގައި ކުއްޖާއާ ޖިންސީ ގޮތުން ބެހުނުކަމަށާއި އޮރިޔާން ފޮޓޯ ދެއްކިކަމަށް ބުނެ ދައުލަތުން ދަޢުވާ ކުރިއެވެ.

ދައުލަތުން ބުނީ ހެކިންގެ ހެކިބަހަށް ރަނގަޅަށް ރިޢާޔަތް ނުކުރާކަމަށާއި، ޤާނޫނު ނަންބަރު 12/2009 ގެ 13 (މ) ގެ ދަށުން ކުރީގެ ކުށުގެ ރިކޯޑަކީ ހެއްކެއްކަމަށް ވާއިރު އެއަށް ރިޢާޔަތް ނުކުރާ ކަމަށެވެ.

ކުޑަކުއްޖަކާމެދު ބަދުއަޚްލާޤީ ޢަމަލު ހިންގިކަމުގެ ދަޢުވާ ސާބިތުނުވާކަމަށް ކްރިމިނަލް ކޯޓުން ކުރި ޙުކުމަކީ ހުށަހެޅި ހެކިތަކަށް ރިޢާޔަތް ނުކޮށް ކުރި ޙުކުމެއްތޯ؛ އަދި ހަމައެކަނި ކުއްޖާގެ ބަޔާނާއި ތުހުމަތުކުރެވޭ ފަރާތުގެ ކުރީގެ ކުށުގެ ރިކޯޑުން ދަޢުވާ ސާބިތުވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކުއްޖާގެ ބަޔާން އަޅާކިޔާނެ އެހެން ބަޔާނެއް ނެތުމާއި ހެކިންގެ ބަޔާންތަކުގައި ބޮޑެތި ފުށުއެރުންތައް ހުރުމުން ކުއްޖާގެ ބަސް އާދަޔާ ޚިލާފަށް ތެދުކަމަށް ނުބެލެވޭ ކަމަށާއި، ކުށުގެ ރިކޯޑު އެކަނި ދަޢުވާ ސާބިތުކުރަން ނުފުދޭތީ ދަށުކޯޓުގެ ޙުކުމް ބަދަލުކުރާކަށް ނުޖެހޭ ކަމަށެވެ.