ޕްރޮސިކިއުޓަރ ޖެނެރަލް ވ. އަޙްމަދު ޢަލީ

ދައުލަތުގެ ހެކިތަކުން އެކަށީގެންވާ ޝައްކެއް ނެތް މިންވަރަށް ކުށް ސާބިތުނުވާކަމަށް ފުވައްމުލަކު މެޖިސްޓްރޭޓް ކޯޓުން ޙުކުމްކުރިއެވެ.

ކައުންސިލުގެ ބިޑަކަށް ހުށަހެޅި ލިޔުންތަކުގެ ތެރޭގައި ކައުންސިލުން ދޫކުރި 'މަސައްކަތް ނިންމާފައިވާ ކަމުގެ ލިޔުން' ކަމަށް ދައްކައި ޞައްޙަނޫން ލިޔުންތަކެއް ހުށަހެޅިކަމަށް ބުނެ ދަޢުވާކުރިއެވެ.

ދައުލަތުން ބުނީ ކައުންސިލުގެ ރައީސް ސޮއި އޭނާގެ ނޫންކަމަށް ދިން ހެކިބަހާއި ޑޮކިއުމަންޓް އެގްޒަމިނޭޝަން ރިޕޯޓަކީ ކާފީ ހެކި ކަމަށާއި ދަށުކޯޓުން އެއަށް ރިޢާޔަތްނުކުރާކަމަށެވެ. ރައްދުވާ ފަރާތުން ބުނީ ހުށަހެޅީ ކައުންސިލުން ދޫކުރި ލިޔުންތައް ކަމަށެވެ.

އެނގިހުރެ ޞައްޙަނޫން ލިޔުމެއްގެ ތެދުކަން ދެއްކުމުގެ ދަޢުވާ ސާބިތުނުވާކަމަށް ދަށުކޯޓުން ނިންމީ ދައުލަތުން ހުށަހެޅި ކާފީ ހެކިތަކަށް ރިޢާޔަތްނުކޮށްތޯ، އަދި އިސްތިއުނާފީ ނުކުތާ ހުށަހަޅާ ފަރާތުން ޤާނޫނީ ބަހުސް ބަޔާންކޮށްފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދައުލަތުން ޤާނޫނީ ބަހުސް ބަޔާންކޮށްފައި ނުވެއެވެ. ތައްގަނޑަކީ ކައުންސިލުގެ ތައްގަނޑު ކަމަށާއި ހުރިހާ މުވައްޒަފުންނަށް ވަދެވޭކަމަށް ދައުލަތުން ބުނާއިރު، ސޮއި ތަފާތުވުން އެކަނި ކުށް ސާބިތުކުރުމަށް ފުދޭ ކާފީ ޤަރީނާއެއް ނޫނެވެ.