ޕްރޮސިކިއުޓަރ ޖެނެރަލް ވ. ޢަބްދުލްޢަޒީޒް އިބްރާހީމް

ކްރިމިނަލް ކޯޓުން ބަންދު މުރާޖަޢާކޮށް، ހެކިންނަށް ނުފޫޒު ފޯރުވާނެކަމަށާއި މުޖުތަމަޢަށް ނުރައްކާ އޮތްކަމަށް ނުބެލެވޭތީ ތުހުމަތުކުރެވޭ ފަރާތް ބަންދުން ދޫކުރުމަށް އަމުރުކުރި.

ސޯޝަލް މީޑިއާ މެދުވެރިކޮށް އޮރިޔާން ވީޑިއޯއެއް ލީކުކުރާނެ ކަމަށް ބިރުދައްކައި ބްލެކްމެއިލްކޮށް ފައިސާ ހޯދިކަމުގެ ތުހުމަތުގައި ހައްޔަރުކުރެވި، ޝަރީޢަތް ނިމެންދެން ބަންދުކުރުމަށް އަމުރުކުރެވުނު މީހާގެ މައްޗަށް ޖިންސީ ގޯނާ، ބްލެކްމެއިލް، ފޭރުން، އޮރިޔާންކާޑު ގެންގުޅުމުގެ ދަޢުވާ އުފުލިފައިވެއެވެ.

ދައުލަތުން ބުނީ 60(ވ) ގެ ދަށުން ލިބޭ އިޚްތިޔާރު ހަނި ކަމަށާއި، ހެކިވެރިން ތުހުމަތުކުރެވޭ ފަރާތް ދަންނާތީ ނުފޫޒު ފޯރުވުމުގެ އިޙްތިމާލާއި މުޖުތަމަޢަށް ނުރައްކާ އޮތް ކަމަށެވެ. ރައްދުވާ ފަރާތުން ބުނީ ދަޢުވާ އުފުލުމުން ހެކިތައް ސާފުވާތީ މުރާޖަޢާ ކުރެވޭނެކަމަށާއި، ހެކި ރައްކާކުރެވިފައިވާކަމަށާއި، ރަހުމަތްތެރިކަމުގެ ގުޅުން ނުފުދޭނެ ކަމަށެވެ.

ޝަރީޢަތް ނިމެންދެން ބަންދުކުރި އަމުރެއް ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ވ) ގެ ދަށުން މުރާޖަޢާކޮށް ތުހުމަތުކުރެވޭ ފަރާތް ބަންދުން ދޫކުރުމަށް ކްރިމިނަލް ކޯޓުން ނެރުނު އަމުރަކީ ފަނޑިޔާރަށް ލިބިދޭ އިޚްތިޔާރުގެ ތެރެއިން، ޤާނޫނީ އުޞޫލުތަކާ އެއްގޮތަށް ނެރުނު އަމުރެއްތޯ؛ އަދި މުޖުތަމަޢުގެ ސަލާމަތަށް ނުރައްކާ އޮތުމާއި ހެކިންނަށް ނުފޫޒު ފޯރުވުމުގެ އިޙްތިމާލު ވަޒަންކުރި ގޮތް ރަނގަޅުތޯ.

ކްރިމިނަލް ކޯޓުގެ ބަންދުން ދޫކުރި އަމުރު ބާޠިލު؛ ޝަރީޢަތް ނިމެންދެން ބަންދުކުރި ކުރީގެ އަމުރު ދިރިދެމިއޮންނާނެ

މުރާޖަޢާކުރާ ފަނޑިޔާރަށް ހެކިތަކަށް ރިޢާޔަތްކުރެވޭނެ ނަމަވެސް، ކުށުގެ ބާވަތާއި އިތުރު މައްސަލައެއް ތަޙްޤީޤުކުރަމުން ދިއުމުން މުޖުތަމަޢަށް ނުރައްކާ އޮތްކަމަށާއި، ހެކިވެރިންނާ ގާތް ގުޅުމެއް އޮތުމުން ނުފޫޒު ފޯރުވުމުގެ އިޙްތިމާލު އޮތްކަމަށް ބެލެވޭތީ ދޫކުރި އަމުރު ބާޠިލުކުރި.