ޕްރޮސިކިއުޓަރ ޖެނެރަލް ވ. ޢަބްދުﷲ ޒުހައިރު

ފުލުހުންގެ އެދުމަކީ ޤަވާއިދުގެ (ނ) އާ ޚިލާފު އެދުމެއްކަމަށް ބުނެ، ތިނަދޫ މެޖިސްޓްރޭޓް ކޯޓުން ތުހުމަތުކުރެވޭ ފަރާތް ބަންދުން ދޫކުރުމަށް އަމުރުކުރިއެވެ.

މަސްތުވާތަކެތި ގެންގުޅެ ޓްރެފިކްކުރުމުގެ ތުހުމަތުގެ މައްސަލަ ޕްރޮސިކިއުޓަރ ޖެނެރަލްއިން މެޖިސްޓްރޭޓް ކޯޓަށް ހުށަހެޅުމަށްފަހު، ތުހުމަތުކުރެވޭ ފަރާތް ޝަރީޢަތް ނިމެންދެން ބަންދުގައި ބެހެއްޓުމަށް މޯލްޑިވްސް ޕޮލިސް ސަރވިސްއިން ކޯޓަށް އެދުނެވެ.

ޕީޖީ ބުނީ، އަމުރަކީ ޤާނޫނުއަސާސީ، ޖިނާއީ އިޖުރާއަތުގެ ޤާނޫނު، ޤަވާއިދު އަދި މަތީ ކޯޓުތަކުގެ ނިންމުންތަކާ ޚިލާފު އަމުރެއް ކަމަށެވެ. ޕީޖީ އިން ވެސް ކޯޓު ހުށަހެޅި ދުވަހު ބަންދަށް އެދިފައިވާކަމަށް ފާހަގަކުރިއެވެ.

ދަޢުވާ ކޯޓަށް ހުށަހެޅުމަށްފަހު، ތުހުމަތުކުރެވޭ ފަރާތްގެ ބަންދުގެ މުއްދަތު އިތުރުކުރުމަށް މޯލްޑިވްސް ޕޮލިސް ސަރވިސްއިން އެދުމުން އޭނާ ބަންދުން ދޫކުރުމަށް މެޖިސްޓްރޭޓް ކޯޓުން ނެރުނު އަމުރު ޞައްޙަތޯ، އަދި މަސްތުވާތަކެތި ޓްރެފިކްކުރުމުގެ ތުހުމަތުގައިވާ މީހާ ޝަރީޢަތް ނިމެންދެން ބަންދުގައި ބެހެއްޓުމާމެދު ބަލަންޖެހޭ މިންގަނޑަކީ ކޮބައިތޯ.

ދަށުކޯޓުގެ އަމުރު ބާޠިލުނުކުރި؛ ޕީޖީ އިން އެދިއްޖެނަމަ ބަންދާމެދު ދަށުކޯޓުން އަލުން ގޮތެއް ނިންމަން ޖެހޭނެކަމަށް ކަނޑައެޅި

ދަޢުވާ ހުށަހެޅުމަށްފަހު ބަންދަށް އެދެން ޖެހޭނީ ޕީޖީ ކަމުން، ފުލުހުންގެ އެދުމުގެ މައްޗަށް ބަންދު އިތުރުނުކުރެވޭތީ ދޫކުރުމުގެ އަމުރަށް ބަދަލެއް ނުގެނެވެއެވެ. ނަމަވެސް ކުށަކީ ޖިނާއީ ބޮޑު ކުށަކަށްވެ ހެކި ހުރުމުން، ޕީޖީ އެދިއްޖެނަމަ ބަންދާމެދު އަލުން ގޮތެއް ނިންމަން ޖެހޭނެއެވެ.