ޕްރޮސިކިއުޓަރ ޖެނެރަލް ވ. -

އެ ބާވަތުގެ އަމުރު ނެރެވޭނެ ހަމަތައް 145-J(AN)2021/048 އަދި 049 ގައި ކަނޑައަޅާފައިވާއިރު، ހުށަހެޅި ފޯމުތައް އެއާ އެއްގޮތް ނުވާތީ އަމުރު ނުނެރެން ކްރިމިނަލް ކޯޓުން ނިންމިއެވެ.

މަސްތުވާތަކެތީގެ މައްސަލައެއްގެ ތަޙްޤީޤުގައި ތުހުމަތުކުރެވޭ ފަރާތްތަކުގެ ފޯނުތަކުން މަޢުލޫމާތު އެކްސްޓްރެކްޓްކުރުމާއި ޕިން ނަންބަރު، ލޮކް ކޯޑު، ޕެޓަރން އަދި ފޭޝަލް ރެކޮގްނިޝަން ދިނުމަށް އަންގާ އަމުރަށް ފުލުހުން ކްރިމިނަލް ކޯޓުގައި އެދުނެވެ. މައްސަލަތައް ބެލީ ރައްދުވާ ފަރާތެއް ނެތި (ex parte) އެއް ބެންޗަކުންނެވެ.

ދައުލަތުން ބުނީ އެ ދެ ނިންމުމާ ގުޅިގެން 2022/HC-B12/12,13,15 ގައި ހައިކޯޓުން ގޮތް ކަނޑައަޅާފައިވާތީ ދަށުކޯޓުގެ ނިންމުން ޤާނޫނުއަސާސީއާ ޚިލާފުކަމަށާއި، ތުހުމަތާ ގުޅުވާލެވޭ އެކަށީގެންވާ މިންވަރުގެ ހެކި ހުރިކަމަށް ކަނޑައަޅައި ނިންމުން ބާޠިލުކޮށް އަމުރު ނެރެދިނުމަށެވެ.

ތުހުމަތުކުރެވޭ ފަރާތްތަކުގެ ފޯނުތަކުން މަޢުލޫމާތު އެކްސްޓްރެކްޓްކުރުމާއި ލޮކް ކޯޑު ފަދަ ތަކެތި ދިނުމަށް އަންގާ އަމުރަށް ފުލުހުން އެދުމުން، ހައިކޯޓުން ކުރިން ރަނގަޅު ނޫންކަމަށް ކަނޑައެޅި ކްރިމިނަލް ކޯޓުގެ ނިންމުންތަކަށް ޙަވާލާދީ އަމުރު ނުނެރެން ނިންމުމަކީ ޞައްޙަ ނިންމުމެއްތޯ.

ދަށުކޯޓުގެ ނިންމުންތައް ޤާނޫނުއަސާސީއާ ޚިލާފުކަމަށް ފާހަގަކޮށް، އިތުރަށް ގޮތެއް ކަނޑައަޅަން ނުޖެހޭ ކަމަށް ނިންމި

ހައިކޯޓުން ރަނގަޅު ނޫންކަމަށް ކަނޑައެޅި ނިންމުންތަކަށް ޙަވާލާދީ ނިންމުމަކީ ޤާނޫނުއަސާސީއާ ޚިލާފު ކަމެއް ނަމަވެސް، ފުލުހުން ހައިކޯޓުގެ އުޞޫލު ދަށުކޯޓުގައި ބަޔާންނުކުރާތީއާއި އެ ނުކުތާގައި ހައިކޯޓުން ކުރިން ގޮތް ކަނޑައަޅާފައިވާތީ ތަކުރާރުކޮށް ގޮތެއް ކަނޑައަޅަން ނުޖެހެއެވެ.