ޕްރޮސިކިއުޓަރ ޖެނެރަލް ވ. -

ދަޢުވާ ހުށަހެޅީ ޤާނޫނު ނަންބަރު 12/2016 (ޖިނާއީ އިޖުރާއާތުގެ ޤާނޫނު) ގެ 95 ވަނަ މާއްދާގެ 45 ދުވަހުގެ މުއްދަތު (تقادم / limitation) ހަމަވުމަށްފަހު ކަމަށްވާތީ، އެއީ ކުރިއަށް ގެންދެވޭނެ ދަޢުވާއެއް ނޫންކަމަށް އޭދަފުށި މެޖިސްޓްރޭޓް ކޯޓުން ޙުކުމްކުރިއެވެ.

ތުހުމަތުކުރެވޭ ފަރާތް 18 ޖޫން 2017 ގައި ހައްޔަރުކޮށް 21 ޖޫން 2017 ގައި ދޫކޮށްލިއެވެ. ކެނެބިސް ބޭނުންކުރުމުގެ ދަޢުވާ ދައުލަތުން 15 އޮގަސްޓް 2017 ގައި ހުށަހެޅުމުން، 83(ހ) ގައިވާ ލިޔުންތައް ނުހުރުމުން 29 އޮގަސްޓް 2017 ގައި ފޯމު އަނބުރާ ފޮނުވިއެވެ. ދައުލަތުން އެ ނިންމުން އިސްތިއުނާފުނުކޮށް 01 ނޮވެމްބަރ 2017 ގައި ދަޢުވާ އަލުން ހުށަހެޅިއެވެ.

ޕްރޮސިކިއުޓަރ ޖެނެރަލް ބުނީ ޤާނޫނު ނަންބަރު 12/2016 (ޖިނާއީ އިޖުރާއާތުގެ ޤާނޫނު) ގެ 83 ވަނަ މާއްދާއާ ޚިލާފުކަމަށް ބުނެ ދަޢުވާ އަނބުރާ ފޮނުވީ ޖިނާއީ އިޖުރާއާތުގެ ޤާނޫނުގެ 95 ވަނަ މާއްދާއާ ޚިލާފަށް ކަމަށާއި، 15 އޮގަސްޓް 2017 ގެ ދަޢުވާ ހުށަހެޅީ 83(ހ) އާ އެއްގޮތަށް ކަމަށެވެ.

ޖިނާއީ އިޖުރާއާތުގެ ޤާނޫނުގެ 95 ވަނަ މާއްދާގައިވާ ޓްރާންސިޝަނަލް 45 ދުވަހުގެ މުއްދަތު ގުނަންވީ ގޮތާއި، ދަޢުވާ ފޯމު އަނބުރާ ފޮނުވުމަށްފަހު އެ މުއްދަތު ހަމަވުމަށްފަހު އަލުން ހުށަހެޅި ދަޢުވާ ކުރިއަށް ގެންދެވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

މުއްދަތު ގުނަންވާނީ މާނަކުރުމުގެ ޤާނޫނުގެ 35(ހ) ގެ clear days ގެ އުޞޫލުން ކަމަށްވާތީ 45 ދުވަސް ހަމަވަނީ 17 އޮގަސްޓް 2017 ގައެވެ. ފުރަތަމަ ފޯމު އަނބުރާ ފޮނުވި ނިންމުން އިސްތިއުނާފުނުކޮށް، އެ މުއްދަތަށްފަހު އަލުން ދަޢުވާ ހުށަހެޅުމުން ދަށުކޯޓުގެ ޙުކުމަށް ބަދަލު ގެންނަންޖެހޭ ސަބަބެއް ނެތެވެ.