ޕްރޮސިކިއުޓަރ ޖެނެރަލް ވ. -

ހިންނަވަރު މެޖިސްޓްރޭޓް ކޯޓުން، ދަޢުވާ ހުށަހަޅާފައިވަނީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 94 ވަނަ މާއްދާގެ (ހ) ގެ މުއްދަތުގައި ނޫންކަމަށް ބުނެ މައްސަލަ ބަލައިނުގަތެވެ.

ބިރުދެއްކުމާއި ކުޑަކުއްޖަކު އިތުބާރުކުރަންޖެހޭ މަޤާމެއްގައި ހުރެ ޖިންސީ ޢަމަލު ހިންގުމުގެ ތުހުމަތުގައި ތުހުމަތުކުރެވޭ ފަރާތް 04 ޖަނަވަރީ 2019 ގައި ފުރަތަމަ ހާޒިރުކޮށް 12 ދުވަހަށް ބަންދުކުރުމަށްފަހު 16 ޖަނަވަރީ 2019 ގައި ދޫކޮށްލިއެވެ. ދަޢުވާ ހުށަހެޅީ 17 ފެބްރުއަރީ 2019 ގައެވެ.

ޕްރޮސިކިއުޓަރ ޖެނެރަލް ބުނީ ދޫކޮށްލާފައިވާ މީހެއްގެ މައްޗަށް ދަޢުވާ އުފުލަންވާނީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 94 ވަނަ މާއްދާގެ (ށ) ގެ ދަށުން 45 ދުވަހުގެ ތެރޭގައިކަމަށެވެ.

ފަނޑިޔާރެއްގެ ކުރިމައްޗަށް ފުރަތަމަ ހާޒިރުކުރުމުން ބަންދުކޮށް، އެއަށްފަހު ދޫކޮށްލެވުނު މީހެއްގެ މައްޗަށް ދަޢުވާ އުފުލަންވާނީ ޖިނާއީ އިޖުރާއަތުގެ ޤާނޫނުގެ 94 ވަނަ މާއްދާގެ ދަށުން 30 ދުވަހުގެ ނުވަތަ 45 ދުވަހުގެ ތެރޭގައިތޯ، އަދި އެ މުއްދަތު ގުނަންވީ ގޮތް.

ދަށުކޯޓުގެ ނިންމުން ބާޠިލު؛ އަލުން ހުށަހަޅައިފިނަމަ މައްސަލަ ބަލައިގަންނަން ކަނޑައެޅި

ތުހުމަތުކުރެވޭ ފަރާތަކީ ޝަރީޢަތް ނިމެންދެން ބަންދުކުރެވުނު ނުވަތަ ދަޢުވާކުރިއިރު ބަންދުގައި ހުރި މީހެއް ނޫންކަމުން، ބަންދުކޮށް ދޫކޮށްލެވުނު މީހެއްގެ ގޮތުގައި 45 ދުވަސް ހިނގާނެއެވެ؛ ދަޢުވާ ހުށަހެޅިފައިވަނީ އެ މުއްދަތުގެ ތެރޭގައެވެ.