ޕްރޮސިކިއުޓަރ ޖެނެރަލް ވ. ޙުސައިން މޫސާ

ގަން މެޖިސްޓްރޭޓް ކޯޓުން ދަޢުވާ ޤާނޫނީ މުއްދަތުގެ ތެރޭގައި ހުށަހަޅާފައިނުވާތީ ދަޢުވާ ކުރިއަށް ގެންދެވޭނެ ތަނެއް ނެތްކަމަށް ކަނޑައަޅައި ދަޢުވާ ބާޠިލްކޮށްފައިވެއެވެ.

މަޤާމުގެ ނުފޫޒު ބޭނުންކޮށްގެން ގަމު ސިނާޢީ ސަރަޙައްދުގެ ގޯތިތަކުގެ ޞައްޙަނޫން ރަޖިސްޓްރީތައް ހަދައި ވިއްކައިގެން ނާޖާއިޒު ފައިދާ ހޯދިކަމުގެ ތުހުމަތުގައި 2013 ގައި ހައްޔަރުކޮށް 30 ޖަނަވަރީ 2014 ގައި ބަންދުން ދޫކޮށްލި މީހެއްގެ މައްޗަށް، ފުލުހުންނާއި އެންޓި ކޮރަޕްޝަން ކޮމިޝަނުން ތަޙްޤީޤުކުރުމަށްފަހު ދަޢުވާ އުފުލީ ޑިސެންބަރު 2018 ގައެވެ.

ޕްރޮސިކިއުޓަރ ޖެނެރަލް ބުނީ ދަށުކޯޓުގެ ނިންމުމަކީ ޖިނާއީ އިޖުރާއަތުގެ ޤާނޫނުގެ 95 ވަނަ މާއްދާގެ މަފްހޫމާ ޚިލާފު ނިންމުމެއްކަމަށާއި، ޤާނޫނުލްޢުޤޫބާތުގެ 61 ވަނަ މާއްދާގެ (ހ) ގެ (3) ގެ އިސްތިސްނާ ލިބޭތީ ޖިނާއީ އިޖުރާއަތުގެ ޤާނޫނުގެ 95 ވަނަ މާއްދާގެ މުއްދަތު ނުހިނގާނެކަމަށެވެ.

ޖިނާއީ އިޖުރާއަތުގެ ޤާނޫނަށް ޢަމަލުކުރަން ފެށިއިރު ތަޙްޤީޤުކުރަމުންދިޔަ، ބަންދުން ދޫކޮށްލާފައިވާ މީހެއްގެ މައްޗަށް ޖިނާއީ އިޖުރާއަތުގެ ޤާނޫނުގެ 95 ވަނަ މާއްދާގައިވާ 45 ދުވަހުގެ މުއްދަތު ފަހުން ހުށަހެޅި ކޮރަޕްޝަނުގެ ދަޢުވާ ކުރިއަށް ނުގެންދެވޭނެކަމަށް ދަށުކޯޓުން ނިންމުން ޤާނޫނާ އެއްގޮތްތޯ.

އިސްތިއުނާފު ބާޠިލް، ދަށުކޯޓުގެ ނިންމުން ޤާއިމް

ތުހުމަތުކުރެވޭ ފަރާތަކީ ތަޙްޤީޤަށް ބަންދުކުރުމަށްފަހު ދޫކޮށްލި ފަރާތެއްކަމުން 45 ދުވަހުގެ މުއްދަތު 16 އޮގަސްޓް 2017 ގައި ހަމަވެއެވެ. ފުލުހުންނާއި ކޮމިޝަނަކީ ޤާނޫނު ތަންފީޒުކުރާ އިދާރާތަކެވެ. ޤާނޫނުލްޢުޤޫބާތުގެ ލުއި އަދަބުގެ އުޞޫލަކީ އަދަބާބެހޭ ކަމެއްކަމުން ދަޢުވާގެ މުއްދަތަށް އަސަރެއް ނުކުރެއެވެ.