އޯޝަން ޕާޗް ޕވޓ ލޓޑ ވ. އިސްމާޢީލް ޝުޖާޢު

ސިވިލް ކޯޓުން ހުސްކުރުމަށް ދިން އެންގުމާއި އެހެން ފަރާތަކަށް ކުއްޔަށްދިން އެއްބަސްވުން ބާޠިލުކޮށް، ޙައްޤުތައް ދަޢުވާކުރި ފަރާތަށް ބަދަލުކޮށްދިނުމަށް ޙުކުމްކުރިއެވެ.

މާލޭ ސިޓީ ކައުންސިލާއި ފަރުދަކާ ދެމެދު ވެފައިވާ އެއްބަސްވުމުގެ ދަށުން ލިބިފައިވާ ސްޓޯލެއްގެ ޙައްޤުތައް ބަދަލުކުރުމަށް އެދިފައިވަނިކޮށް، ހައުސިންގ މިނިސްޓްރީން އެ ސްޓޯލް ހުސްކުރަން އަންގައި، އޯޝަން ޕާޗް ޕްރައިވެޓް ލިމިޓެޑަށް ވަގުތީ އެއްބަސްވުމަކުން ކުއްޔަށް ދިނެވެ. ޙައްޤު ބަދަލުކުރުމަށް އެދުނު ފަރާތުން ދައުލަތުގެ މައްޗަށް ސިވިލް ކޯޓުގައި ދަޢުވާކުރިއެވެ.

އޯޝަން ޕާޗުން ބުނީ ޙައްޤަށް އަސަރުކުރި ކަމުގައި ވީނަމަވެސް އެކުންފުނީގެ ބަސް ނުހޯދައި ޙުކުމްކުރި ކަމަށާއި، ދަޢުވާކުރީ ޙައިޘިއްޔަތު ނެތް ފަރާތެއް ކަމަށެވެ. އިސްތިއުނާފު ރައްދުވި ފަރާތުން އޯޝަން ޕާޗަށް އިސްތިއުނާފުކުރުމުގެ ޙައިޘިއްޔަތު ނެތްކަމަށް އިޖުރާއީ ދިފާޢު ނެގިއެވެ.

ދަށުކޯޓުގެ މައްސަލައިގައި ފަރާތެއްގެ ގޮތުގައި ނުހިމެނުނު، ނަމަވެސް ޙުކުމުގެ ސަބަބުން ޙައްޤަށް އަސަރުކުރި ކުއްޔަށް ހިފި ކުންފުންޏަކަށް އިސްތިއުނާފުކުރުމުގެ ޙައިޘިއްޔަތު ލިބޭތޯ، އަދި ހަމަ އެ ޙުކުމެއް ހައިކޯޓުގެ އެހެން އިސްތިއުނާފެއްގައި ބާޠިލުކޮށްފައިވާއިރު އިތުރު ގޮތެއް ކަނޑައެޅުމުގެ މަޞްލަޙަތެއް އޮތްތޯ.

ދަށުކޯޓުގެ ޙުކުމް 2017/HC-A/312 ގައި ބާޠިލުކޮށްފައިވާތީ އިތުރު ގޮތެއް ކަނޑައެޅުމުގެ މަޞްލަޙަތެއް ނެތް

އޯޝަން ޕާޗަކީ ޙުކުމުގެ ސަބަބުން ޙައްޤަށް އަސަރުކުރި ފަރާތަކަށްވާތީ އިސްތިއުނާފުކުރުމުގެ ޙައިޘިއްޔަތު ލިބެއެވެ؛ ނަމަވެސް ދައުލަތުން ކުރި 2017/HC-A/312 ގައި ދަށުކޯޓުގެ ޙުކުމް ބާޠިލުކޮށްފައިވާތީ އިތުރު ގޮތެއް ކަނޑައެޅުމުގެ މަޞްލަޙަތެއް ނެތެވެ.