(ނަން ސިއްރުކުރެވިފައި) ވ. (ނަން ސިއްރުކުރެވިފައި)

ފެމިލީ ކޯޓުން ދެފަރާތުގެ ވާހަކަ އަޑުއެހުމަށްފަހު، ޤާނޫނު ނަންބަރު 3/2012 (ގެވެށި އަނިޔާ ހުއްޓުވުމުގެ ޤާނޫނު) ގެ 48 ވަނަ މާއްދާގެ ކަންކަން ސާބިތުނުވާތީ ތަފްރީޤު އަމުރު ނުނެރެ، ގެވެށި އަނިޔާއިން ރައްކާތެރިކުރުމުގެ އަވަސް އަމުރު ނެރުނެވެ.

އަނބިމީހާ، ފިރިމީހާ ޖިސްމާނީ އަނިޔާއާއި ބިރުދެއްކުމާއި ފާރަލުން ފަދަ ޢަމަލުތައް ކުރަމުންދާ ކަމަށް ބުނެ، ރައްކާތެރިކުރުމުގެ އަވަސް އަމުރަކަށާއި ތަފްރީޤު އަމުރަކަށް އެދި ފެމިލީ ކޯޓަށް ހުށަހެޅިއެވެ.

ފިރިމީހާ ބުނީ ގެވެށި އަނިޔާގެ ޢަމަލެއް ސާބިތުނުވެ، ފޮޓޯއަކަށް ބިނާކޮށް، ހެކިވެރިޔާގެ ހެކިބަސް ނުނަގާ އަމުރު ނެރުނީ ކަމަށެވެ. އަނބިމީހާ ބުނީ އަވަސް އަމުރަކީ ހުށަހަޅާ ފަރާތުގެ ބަހަށް ބިނާކޮށް ނެރޭ އަމުރެއް ކަމަށާއި ފޮޓޯއާއި ފުލުހުންނަށް ރިޕޯޓްކުރި ލިޔުން ހުށަހަޅާފައިވާ ކަމަށެވެ.

ފެމިލީ ކޯޓުން ދެފަރާތުގެ ވާހަކަ އަޑުއަހައިގެން ނެރުނު ގެވެށި އަނިޔާއިން ރައްކާތެރިކުރުމުގެ އަވަސް އަމުރު ގެވެށި އަނިޔާ ހުއްޓުވުމުގެ ޤާނޫނުގައިވާ އިޖުރާއަތާ އެއްގޮތަށް ނެރެފައިވޭތޯއާއި، ހެކި ސާބިތުކުރުމުގެ މިންގަނޑަށް ވާޞިލުނުވެ އެ އަމުރު ނެރުން ޞައްޙަތޯ؛ އަދި ރައްކާތެރިކުރުމުގެ އަމުރާއި ރައްކާތެރިކުރުމުގެ އަވަސް އަމުރުގެ ތަފާތަކީ ކޮބައިތޯ.

ދަށުކޯޓުގެ އަވަސް އަމުރު ބާޠިލު؛ ރައްކާތެރިކުރުމުގެ އަމުރާމެދު އަލުން ބެލުމަށް ފޮނުވި

އަވަސް އަމުރު ނެރެންވާނީ ex parte ކޮށް ވަގުތުން ކަމަށްވާއިރު، ދަށުކޯޓުން ދެފަރާތް އަޑުއަހައިގެން އަވަސް އަމުރު ނެރުމަކީ އިޖުރާއަތާ ޚިލާފު ކަމެކެވެ. ނަމަވެސް ބަޔާންކުރި ޢަމަލުތައް ހިނގާކަމަށް ބެލެވެން އޮތުމުން، އަމުރު ބާޠިލުކޮށް ރައްކާތެރިކުރުމުގެ އަމުރަކާމެދު އަލުން ނިންމުމަށް ފޮނުވިއެވެ.