މުޙައްމަދު ރަޝީދު ވ. ޢާއިޝަތު ވަޙީދު

ސިވިލް ކޯޓުން ތަދައްޚުލުވުމުގެ ފުރުޞަތު ނުދީ، ތަރިކަ މުދާ ފަރާއިޟުގެ ހަމަތަކުގެ މަތިން ހަމައެކަނި ވާރިޘުގެ ތަރިކައިގައި ހިމެނޭކަމަށް ޙުކުމްކުރިއެވެ.

ނިޔާވި މީހެއްގެ ހަމައެކަނި ވާރިޘަކީ ބައްޕަގެ އެއްބަނޑު އެއްބަފާ ބޭބެގެ ފިރިހެންދަރިއެވެ. އޭނާވެސް ތަރިކަ ބެހުމުގެ ކުރިން ނިޔާވުމުން، އޭނާގެ އަންހެންދަރި (އިސްތިއުނާފު ރައްދުވާ ފަރާތް) ތަރިކަ ބަހައިދިނުމަށް ސިވިލް ކޯޓަށް ހުށަހެޅިއެވެ. ކުރިން ހައިކޯޓުން (1999/HC-A/106) ބާޠިލުކުރި ވަޞިއްޔަތެއްގެ މައްޗަށް ބިނާކޮށް އިސްތިއުނާފުކުރި ފަރާތް މައްސަލައަށް ތަދައްޚުލުވާން އެދުނެވެ.

އިސްތިއުނާފުކުރި ފަރާތުން ބުނީ، މައްސަލަ ހުށަހެޅި ފަރާތަށް ހައިސިއްޔަތެއް ނެތްކަމަށާއި، 1999/HC-A/106 ގެ ޙުކުމް ރަނގަޅަށް މާނަ ނުކުރެވިގެން ތަދައްޚުލުވުމުގެ ޙައްޤު ގެއްލުނުކަމަށާއި، ތަރިކައާބެހޭ ދަޢުވާގެ ޤާނޫނު މާނަކުރުމުގައި ޣަލަތުވެފައިވާކަމަށާއި، ތާރީޚްތައް ލިޔުމުގައި އޮޅުންތައް ހުރިކަމަށެވެ.

ތަރިކަ ބަހައިދިނުމަށް ހުށަހެޅި ފަރާތަށް ދަޢުވާކުރުމުގެ ހައިސިއްޔަތު ލިބިގެންވޭތޯ، އަދި ކުރިން ހައިކޯޓުން ބާޠިލުކުރި ވަޞިއްޔަތެއްގެ މައްޗަށް ބިނާކޮށް ތަރިކައިގެ މައްސަލައަށް ތަދައްޚުލުވުމުގެ ފުރުޞަތު ނުދިނުމަކީ ޝަރުޢީ ޤާނޫނީ ހަމަތަކާ އެއްގޮތްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ހެކިބަހުން ވާރިޘުކަން ސާބިތުވެ، އެއަށް ޠަޢުނު ނުކުރެވޭތީ ހުށަހެޅި ފަރާތަށް ހައިސިއްޔަތު ލިބޭކަމަށާއި، ވަޞިއްޔަތް ޝަރުޢީ ހަމަތަކާ ޚިލާފުވާތީ ހައިކޯޓުން ބާޠިލުކޮށްފައިވާކަމަށާއި، 60 ދުވަހުގެ ތެރޭގައި ވަޞިއްޔަތުގެ ދަޢުވާއެއް ހުށަހަޅާފައި ނުވާކަމަށާއި، ތާރީޚުގެ އޮޅުންތަކުން ނިންމުމަށް އަސަރެއް ނުކުރާކަމަށް ކޯޓުން ކަނޑައަޅާފައިވެއެވެ.