ސައިޓޭޝަން ކޮޕީ ކުރުމަށް
ކުރު ސައިޓޭޝަން
2019/HC-A/125
ދިވެހި
މުޙައްމަދު ނަސީމް ވ. އަޒްނީމް އަޙްމަދު، 2019/HC-A/125
English
Mohamed Naseem v. Azneem Ahmed 2019/HC-A/125 (2019/HC-A/125, High Court of the Maldives, 27 February 2023)
މުޙައްމަދު ނަސީމް ވ. އަޒްނީމް އަޙްމަދު
މައިގަނޑު ސުވާލު
ކުލީގެ ދަޢުވާއެއްގައި ޚަސްމަކު ނޫން (ބިން ގަތް) ފަރާތެއްގެ ބަހެއް ނުހޯދާ، ދަޢުވާލިބުނު ފަރާތުގެ މައްޗަށް ސާބިތުވި ފައިސާ އެ ފަރާތަށް ދެއްކުމަށް ޙުކުމްކުރުމަކީ ބަސްބުނުމުގެ ފުރުޞަތާއި ނެޗުރަލް ޖަސްޓިސްއާ ޚިލާފު ކަމެއްތޯ.
ނިންމި ގޮތް
އަލުން ބެލުމަށް ސިވިލް ކޯޓަށް ފޮނުވި (ތަޙުލީލުން ދޭހަވާ ގޮތުން)
ކަނޑައެޅުނު އުޞޫލުތައް
- ނެޗުރަލް ޖަސްޓިސްގެ އެންމެ އަސާސީ އުޞޫލުތަކުގެ ތެރޭގައި، މީހަކާމެދު ގޮތެއް ކަނޑައެޅުމުގެ ކުރިން އެކަމުގެ މަޢުލޫމާތު އެމީހަކަށް ދިނުމާއި އެކަމުގެ މައްޗަށް ބަސްބުނުމުގެ ފުރުޞަތު ދިނުން ހިމެނެއެވެ (ސުޕްރީމް ކޯޓުގެ މޯލްޑިވްސް އިންލަންޑް ރެވެނިއު އޮތޯރިޓީ ވ. މޯލްޑިވްސް ކޮލިޓީ ސީފުޑް ޤަޟިއްޔާ ހަވާލާދީ).
- ދަޢުވާކުރި ފަރާތުން ޒިންމާ ނަގަންޖެހޭ ފަރާތަކަށް ނަންނުގަނެވޭ ފަރާތެއްގެ މައްޗަށް ޝަރީޢަތުގެ އިސްނެގުމުން ފައިސާ ދެއްކުމަށް އަންގާނަމަ، އޭނާ މައްސަލައިގައި ޒިންމާވާންޖެހޭ ފަރާތްކަމަށް ޝަރީޢަތަށް ފާހަގަކުރެވޭނަމަވެސް، އެކަމާއި މައްސަލައާ ގުޅިގެން ބަސްބުނުމުގެ ފުރުޞަތު އޭނާއަށް ލިބެންޖެހެއެވެ.
- ޙުކުމްކުރުމުގެ މަޖިލީހަށް ޙާޟިރުވުމަށް އަމުރު ފޮނުވުން ފުދެނީ ނޫނެވެ؛ މައްސަލައާ ގުޅިގެން ޖަވާބުދާރީވެ ވާހަކަދެއްކުމުގެ ފުރުޞަތު ދީފައިވާކަން އެނގެންނެތްނަމަ، މައްސަލަ ދަށުކޯޓަށް ތަޙުވީލުކުރަންޖެހެއެވެ.
- އިސްތިއުނާފީ ނުކުތާތަކެއްގެ މައްޗަށް ހައިކޯޓުގެ އެހެން ޤަޟިއްޔާއެއްގައި ގޮތެއް ކަނޑައެޅިފައިވާނަމަ، މައްސަލަ އަލުން ބެލުމުގައި އެ ޤަޟިއްޔާގައި ކަނޑައެޅިފައިވާ އުޞޫލަށް ރިޢާޔަތްކުރެވެންވާނެއެވެ.
- އިޖުރާއަތަށް ޚިލާފުވެގެން ޣައިރުޙާޟިރުގައި މައްސަލަ ހިންގިކަމަށް ބުނާ ފަރާތަކުން ޚިލާފުވި އިޖުރާއަތެއް ބުނެދީފައި ނުވާނަމަ، އެ ބުނުމަށް ބަރޯސާވެވޭކަށް ނެތެވެ.
- ސުޕްރީމް ކޯޓުގެ މޯލްޑިވްސް އިންލަންޑް ރެވެނިއު އޮތޯރިޓީ ވ. މޯލްޑިވްސް ކޮލިޓީ ސީފުޑް ޕްރައިވެޓް ލިމިޓެޑް ޤަޟިއްޔާ (2021/SC-A/28) – ފަނޑިޔާރު ޢާއިޝާ ޝުޖޫނުގެ ރައުޔުގެ 12 ވަނަ ޕެރެގްރާފް
- ހައިކޯޓުގެ 2019/HC-A/425 ޤަޟިއްޔާ
- ސިވިލް ކޯޓުގެ 2555/Cv-C/2018 ޤަޟިއްޔާ (ވާޤިޢާއެއްގެ ގޮތުގައި)
- ބެންޗު
- ފާޠިމަތު ފަރްހީޒާ، މުޙައްމަދު ފައިޞަލް، މުޙައްމަދު ސަލީމް
- ރައުޔު ލިޔުނު ފަނޑިޔާރު
- ފާޠިމަތު ފަރްހީޒާ
- ޚިލާފު ރައުޔު
- ނެތް