މުޙައްމަދު ޙަސަންފުޅު ވ. އިލެކްޝަންސް ކޮމިޝަން

ސިވިލް ކޯޓުން ޕްރިންސިޕަލް 15,540 ރުފިޔާ 15 ދުވަހުގެ ތެރޭގައި ދެއްކުމަށް ޙުކުމްކޮށް، ޖޫރިމަނާއަށް ކޮމިޝަނުން ޤަބޫލުކޮށްފައި ނުވާތީއާއި 2013/SC-A/27 އާ ޙާލަތު ތަފާތުވާތީ ޖޫރިމަނާ ނަގައިނުދިން.

2013 ރިޔާސީ އިންތިޚާބުގައި އިލެކްޝަންސް ކޮމިޝަނުގެ އޮފިޝަލުންނަށް ކެއުންބުއިމުގެ ޚިދުމަތްދިން ފަރާތަކުން، 4 އިންވޮއިސްގެ 15,540 ރުފިޔާއާއި، ފަހުން ފޮނުވި ސިޓީގައިވާ ދުވާލަކަށް 20% ގެ ޖޫރިމަނާ 810,310 ރުފިޔާއާއެކު ޖުމްލަ 825,850 ރުފިޔާ ހޯދުމަށް ދަޢުވާކުރި. އެއްބަސްވުމުގައި ޖޫރިމަނާއެއް ނުވަތަ ފައިސާ ދައްކާ މުއްދަތެއް ނެތް.

އިސްތިއުނާފުކުރި ފަރާތުން ބުނީ ބިލުތަކަށް ކޮމިޝަނުން ސުވާލު ނުއުފައްދާތީ ޖޫރިމަނާ ޤަބޫލުކުރިކަމަށް ބެލެންޖެހޭ ކަމަށާއި، ކޮންޓްރެކްޓަކީ ވަކި ގޮތަކަށް އޮންނަންޖެހޭ އެއްޗެއް ނޫންކަމަށާއި، 2013/SC-A/27 އަށް ރިޢާޔަތްނުކުރި ކަމަށް. ކޮމިޝަނުން ޕްރިންސިޕަލް ޢަދަދަށް އިޤްރާރުވެ، ޖޫރިމަނާއަށް އިންކާރުކުރި.

ޚިދުމަތުގެ އެއްބަސްވުމުގައި ޖޫރިމަނާއެއް ހިމެނިފައި ނެތްއިރު، ޚިދުމަތްދިން ފަރާތުން ފޮނުވި އިންވޮއިސްތަކާއި ސިޓީގައިވާ ދުވާލަކަށް 20% ގެ ޖޫރިމަނާއަށް ޚިދުމަތް ހޯދި ފަރާތުން ޖަވާބު ނުދީ އޮތުމުން އެ ޖޫރިމަނާ ދައްކަން ލާޒިމުވޭތޯ، އަދި ޖަޒާއީ ޝަރުޠެއްގެ ދަށުން ބަދަލު ނަގައިދެވޭނީ ކޮން ޙާލަތެއްގައިތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޖަޒާއީ ޝަރުޠެއްގެ ދަށުން ބަދަލު ނަގައިދެވޭނީ ގެއްލުން ވެފައިވާކަމާއި ބަދަލަކީ ގެއްލުމާ އެކަށީގެންވާ މުނާސިބު މިންވަރެއްކަން ސާބިތުވެގެންނެވެ. 15,540 ރުފިޔާގެ ބިލުތަކަށް 825,850 ރުފިޔާގެ ޖޫރިމަނާ ހޯދަން އެދުނުއިރު ގެއްލުން ސާބިތުކުރާނެ އެއްވެސް ހެއްކެއް ހުށަނާޅާތީ ދަށުކޯޓުގެ ނިންމުން ޤާއިމްކުރި.