2015/HC-A/177

ސިވިލް ކޯޓުން 45,517.64 ރުފިޔާގެ ރިޓެންޝަން ފައިސާއާއި 966 ދުވަހަށް 1,980,300 ރުފިޔާގެ ޖޫރިމަނާ އެސް.ޓީ.އޯ އިން ދައްކަން ޙުކުމްކުރިއެވެ.

ސްޓޭޓް ޓްރޭޑިންގ އޯގަނައިޒޭޝަން ޕލކ އާއި ވައިޓްލައިން ޕްރައިވެޓް ލިމިޓެޑާ ދެމެދު ވެވުނު ދެ އިމާރާތްކުރުމުގެ އެއްބަސްވުމެއްގެ ދަށުން ބެހެއްޓި ރިޓެންޝަން ފައިސާ އަނބުރާ ނުދިނުމުން، ރިޓެންޝަން ފައިސާއާއި ބިލުގައިވާ ދުވާލަކަށް 2,050 ރުފިޔާގެ ޖޫރިމަނާ ހޯދުމަށް ވައިޓްލައިނުން ދަޢުވާކުރިއެވެ.

އެސް.ޓީ.އޯ އިން ބުނީ ކޮންޓްރެކްޓާބެހޭ ޤާނޫނުގެ 20 (ހ) އާއި ޝަރީޢަތުގެ އުޞޫލުތަކާއި 2013/HC-A/218 އާ ޚިލާފަށް، އުފުލަން ނުޖެހޭ ޒިންމާއެއް ލާޒިމުކޮށްފައިވާ ކަމަށެވެ. އިސްތިއުނާފުގައި އިޢުތިރާޟުކުރީ ޖޫރިމަނާގެ ބައިއަށެވެ.

ރިޓެންޝަން ފައިސާ ހޯދުމަށް ފޮނުވި ފައިސާގެ ބިލެއްގައި ހިމަނާފައިވާ ދުވާލަކަށް ވަކި ޢަދަދެއްގެ ޖަޒާއީ ޝަރުޠެއްގެ ދަށުން ގެއްލުމުގެ ބަދަލު ސާބިތުކުރުމެއްނެތި ޖޫރިމަނާ ފައިސާ ނަގައިދެވޭނެތޯ.

ބައެއް ބަދަލުކުރި (ރިޓެންޝަން ފައިސާ ޤާއިމް، ޖޫރިމަނާގެ ބައި ބާޠިލު)

ހައިކޯޓުން ފާހަގަކުރީ ދަޢުވާގެ އަސާސް ބިލާ އެއްގޮތް ނުވާކަމާއި، ޝަރުތު ޖަޒާއީގެ ދަށުން ބަދަލު ނަގައިދެވޭނީ ގެއްލުމާއި އެކަށީގެންވާ މުނާސިބު މިންވަރަކަށް، ގެއްލުން ސާބިތުކުރުމަށްފަހު ކަމަށާއި (2015/SC-A/16)، ގެއްލުން ސާބިތުކުރާ ހެއްކެއް ހުށަހަޅާފައި ނުވާތީ ޖޫރިމަނާގެ ބައި ބާޠިލުކުރަންޖެހޭކަމެވެ.