ސައިޓޭޝަން ކޮޕީ ކުރުމަށް
ކުރު ސައިޓޭޝަން
[2026] SC 17
ދިވެހި
މައުމޫން ޙުސައިންފުޅު ވ. މަރިޔަމް ނަޝީދާ، [2026] SC 17 (2025/SC-A/45)
English
Maumoon Husainfulhu v. Mariyam Nasheedhaa [2026] SC 17 (2025/SC-A/45, Supreme Court of the Maldives, 14 May 2026)
މައުމޫން ޙުސައިންފުޅު ވ. މަރިޔަމް ނަޝީދާ
މައިގަނޑު ސުވާލު
ޢިމާރާތުގެ ކުރެހުމަށް ދެފަރާތުން ރުހިގެން ބަދަލު ގެނައުމުން އެއްބަސްވުމުގައިވާ މަސައްކަތް ނިންމަންޖެހޭ މުއްދަތަށް ވީ އަސަރާއި، އިތުރުކުރި މުއްދަތު ދަށުކޯޓުން ސީދާ ބަޔާންނުކޮށް ނިންމުމަކީ ގޯހެއްތޯއާއި، އެއްބަސްވުމުގެ 20.3 ވަނަ މާއްދާގައިވާ އިޖުރާއަތާ އެއްގޮތަށް އެއްބަސްވުން ބާޠިލުކުރުމުގެ ނޯޓިސް ފޮނުވިތޯ.
ނިންމި ގޮތް
ހައިކޯޓުގެ ޙުކުމް ޤާއިމް (އިއްތިފާޤުން)
ކަނޑައެޅުނު އުޞޫލުތައް
- ދަށުކޯޓުގެ ޝަރީޢަތް ނިމުނުގޮތުގެ ރިޕޯޓުގެ ޕެރެގްރާފެއް ކިޔަންވާނީ އެއްކޮށް، މައްސަލައިގެ ލިޔެކިޔުންތަކާއި ފަރާތްތަކުގެ ވާހަކަތަކުގެ އަލީގައެވެ؛ އެގޮތުން ބަލާއިރު ފަރާތެއްގެ ސިފަ ([ދަޢުވާލިބޭ ފަރާތް]) އޮޅުމަކުން ލިޔެވިފައިވާކަން ސާފުވާނަމަ، އެ ޖުމްލަ ކިޔާނީ ރަނގަޅު ސިފައިންނެވެ ([ދަޢުވާކުރާ ފަރާތް])؛ އަދި އެފަދަ އޮޅުމަކަށް ބިނާކޮށް ދަށުކޯޓުން ނުނިންމާ ނިންމުމެއް ނިންމިކަމަށް ބުނެވޭކަށް ނެތެވެ. (ޙުކުމްގެ ޕެރެގްރާފް ނަންބަރު 31، 44-47)
- ދެފަރާތުން ރުހިގެން އެއްބަސްވުމުގައިވާ މުއްދަތު އިތުރުކޮށްފައިވާ ކަމަށް ކަނޑައެޅިއިރު އިތުރުކުރި ސީދާ މުއްދަތު ދަށުކޯޓުގެ ނިންމުމުގައި ބަޔާންކޮށްފައި ނުވިނަމަވެސް، ދެފަރާތުން ޢަމަލުކޮށްފައިވާ ގޮތުން އެ މުއްދަތު އެނގެން އޮތްނަމަ އެއީ ނިންމުން ބާޠިލުކުރާނެ ޤާނޫނީ ގޯހެއް ނޫނެވެ؛ މި މައްސަލައިގައި ބަދަލުކުރި ކުރެހުން ޙަވާލުކުރިތާ 12 މަސް ފަހުން އެއްބަސްވުމާ އެއްގޮތަށް ފޮނުވި ނޯޓިހަށް ޢިމާރާތްކުރާ ފަރާތުން އިންކާރު ނުކުރުމުން، އިތުރުކުރި މުއްދަތަކީ 12 މަސްކަން ބައިވެރިން ޤަބޫލުކުރާކަން ދޭހަވެއެވެ. (ޙުކުމްގެ ޕެރެގްރާފް ނަންބަރު 49-54)
- އެއްބަސްވުމުގެ ޚިލާފެއް ރަނގަޅުކުރުމަށް 30 ދުވަހުގެ ނޯޓިސް ދީގެން ބާޠިލުކުރެވޭ ގޮތަށް އެއްބަސްވުމުގައި ބަޔާންކޮށްފައިވާ ޙާލަތެއްގައި، ޚިލާފުނުވާ ފަރާތުން ގާތްގަނޑަކަށް 5 މަސް ދުވަހުގެ ތެރޭގައި 2 ނޯޓިސް ފޮނުވި ނަމަވެސް އެ ނޯޓިސްތަކަށް ޖަވާބުދާރީ ނުވެ، ފަހުން "ޚިލާފަކީ 30 ދުވަހުގެ ތެރޭގައި ރަނގަޅުނުކުރެވޭނެ ކަމެއް ކަމުން މުއްދަތަކަށް ލިޔުމުން އެއްބަސްވާން ޖެހޭނެ" ކަމަށް ބުނުމަކީ އެ އިޖުރާއަތުގެ މަޤްޞަދާ ފުށުއަރާ، އެއްބަސްވުމަށް ޢަމަލުކުރުމުގައި ހެޔޮނިޔަތް އެއްފަރާތްކޮށް ހަމައެކަނި ޚިލާފުވި ފަރާތުގެ މަޞްލަޙަތަށް ބުނާ ބުނުމެކެވެ؛ އެހެންކަމުން އެ ޙާލަތުގައި ފޮނުވި ބާޠިލުކުރުމުގެ ނޯޓިސް އިޖުރާއަތާ ޚިލާފެއް ނޫނެވެ. (ޙުކުމްގެ ޕެރެގްރާފް ނަންބަރު 63-66)
- މަދަނީ އިޖުރާއަތުގެ ޤާނޫނުގެ 25ވަނަ ބާބުގެ ދަށުން ޝަރީޢަތުގެ ޚަރަދަށް އެދުނު ނަމަވެސް ޚަރަދުގެ ތަފްޞީލު ހުށަނާޅާނަމަ، ޚަރަދާމެދު ގޮތެއް ކަނޑައެޅިފައެއް ނުވެއެވެ. (ޙުކުމްގެ ޕެރެގްރާފް ނަންބަރު 67)
- ޤާނޫނު ނަންބަރު 4/91 (ކޮންޓްރެކްޓާބެހޭ ޤާނޫނު) ގެ 20ވަނަ މާއްދާގެ (ހ)
- ޤާނޫނު ނަންބަރު 32/2021 (މަދަނީ އިޖުރާއަތުގެ ޤާނޫނު) ގެ 25ވަނަ ބާބު
- ދިވެހިރާއްޖޭގެ ސުޕްރީމް ކޯޓުގެ މަދަނީ އިޖުރާއަތުގެ ގަވާއިދުގެ 48ވަނަ މާއްދާގެ (ހ)
- ބެންޗު
- މުޙައްމަދު ސަލީމް، ޑރ. މުޙައްމަދު އިބްރާހީމް (ރިޔާސަތު)، ޢަބްދުﷲ ޙަމީދު
- ރިޔާސަތު
- ޑރ. މުޙައްމަދު އިބްރާހީމް
- ރައުޔު ލިޔުނު ފަނޑިޔާރު
- މުޙައްމަދު ސަލީމް · ތާއީދުކުރެއްވީ: ޢަބްދުﷲ ޙަމީދު
- ޚިލާފު ރައުޔު
- ނެތް