މަލްޓި ލީޕް ޕްރައިވެޓް ލިމިޓެޑް ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން ޖިނާއީ އިޖުރާއަތުގެ ޤާނޫނުގެ ދަށުން، ޤާނޫނުލްޢުޤޫބާތުގެ ކުށްތަކަށް ހަވާލާދީ، ކުންފުނީގެ އެކައުންޓްތަކުގެ ފައިސާ ހިފެހެއްޓުމަށް އަމުރުކުރިއެވެ.

ކަޅު ބާޒާރުގައި ބޭރު ފައިސާގެ ވިޔަފާރި ކޮށް މަނީ ލޯންޑަރ ކުރާ ތުހުމަތުގައި ފުލުހުން އެދުމުން، އިސްތިއުނާފުކުރާ ކުންފުނީގެ ބޭންކް އޮފް މޯލްޑިވްސްގައިވާ އެކައުންޓްތަކުގައިވާ ފައިސާ ހިފެހެއްޓުމަށް އަމުރު ނެރުނެވެ.

ކުންފުނިން ބުނީ އަމުރަކީ މަނީ ލޯންޑަރިންގ ޤާނޫނާއި 2019/SC-A/31 ގެ އުޞޫލުތަކާ ޚިލާފު އަމުރެއް ކަމަށެވެ؛ ޕްރޮސިކިއުޝަނުން އެ ނުކުތާއަށް އިޢުތިރާޟެއް ނުކުރެ.

މަނީ ލޯންޑަރިންގގެ ތުހުމަތުގައި ކުންފުންޏެއްގެ ބޭންކް އެކައުންޓްތައް ފްރީޒްކުރުމަށް ޖިނާއީ އިޖުރާއަތުގެ ޤާނޫނުގެ ދަށުން ކްރިމިނަލް ކޯޓުން ނެރުނު އަމުރަކީ މަނީ ލޯންޑަރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ޤާނޫނާއި ސުޕްރީމް ކޯޓުގެ 2019/SC-A/31 ޤަޟިއްޔާގައި ކަނޑައެޅި އުޞޫލުތަކާ އެއްގޮތަށް ނެރުނު އަމުރެއްތޯ.

ކްރިމިނަލް ކޯޓުގެ ކޯޓު އަމުރު ބާޠިލު

ތުހުމަތަކީ މަނީ ލޯންޑަރިންގ ކަމުން އަމުރު ނެރެންވީ ޚާއްޞަ ޤާނޫނުގެ ދަށުން ކަމަށާއި، ސުޕްރީމް ކޯޓުގެ ޤަޟިއްޔާގައި ބަޔާންކުރާ އެއްވެސް ކަމެއް އަމުރުގައި ފުރިހަމަނުވާ ކަމަށާއި، ދެފަރާތުގެ މެދުގައި ބަހުސެއް ނެތް ކަމަށް ބަލައި އަމުރު ބާޠިލުކުރެވުނެވެ.