މޯލްޑިވްސް ޕޯސްޓް ލިމިޓެޑް ވ. މަރްޔަމް ޖުމާނާ

ސިވިލް ކޯޓުން ޢަދުލުވެރި ހަމައެއްގެ ގޮތުން ޚިދުމަތްކުރި މުއްދަތާ ނިސްބަތުން އުނިކޮށް 174,619.19ރ ދައްކަންޖެހޭ ޢަދުލުވެރި މިންވަރުކަމަށް ކަނޑައަޅައި، 36 މަހުގެ ތެރޭގައި ދެއްކުމަށް ޙުކުމްކުރިއެވެ.

ކުންފުނީގެ ޚަރަދުގައި ބޮންޑުގެ އުޞޫލުން ކިޔެވުމަށްފަހު 7 އަހަރާއި 6 މަހުގެ ބޮންޑު މުއްދަތުގެ ތެރެއިން 3 އަހަރާއި 11 މަހާއި 19 ދުވަސް ޚިދުމަތްކޮށް މުވައްޒަފު ވަކިވުމުން، ކޯހަށް ހިނގި ޚަރަދު (397,810.50ރ) ހޯދުމަށް ކުންފުނިން ދަޢުވާ ކުރިއެވެ.

ކުންފުނީގެ ދައުވާއަކީ ޙުކުމަކީ ޤާނޫނުއަސާސީގެ 142 ވަނަ މާއްދާއާއި ކޮންޓްރެކްޓާބެހޭ ޤާނޫނުގެ 20 (ހ) އާ ޚިލާފު ކަމާއި، އެއްބަސްވުމުގެ މަޤްޞަދާ ޚިލާފު ކަމާއި، ފައިސާ ދެއްކުމަށް ދިން މުއްދަތަކީ އުޞޫލަކާ ނުލައި ދިން ދިގު މުއްދަތެއް ކަމެވެ.

ކުންފުނީގެ ޚަރަދުގައި ކިޔަވާ ބޮންޑު މުއްދަތު ފުރިހަމަނުކޮށް ވަކިވާ މުވައްޒަފަކު އަނބުރާ ދައްކަންޖެހޭނީ ކޯހަށް ހިނގި މުޅި ޚަރަދުތޯ ނުވަތަ ޚިދުމަތްކުރި މުއްދަތާ ނިސްބަތުން ކަނޑައަޅާ ޢަދުލުވެރި މިންވަރެއްތޯ؛ އަދި ފައިސާ ދެއްކުމަށް ދިން މުއްދަތު.

ދަށުކޯޓުގެ ޙުކުމް ބާޠިލު؛ މުޅި ޚަރަދު ދައްކަންޖެހޭކަމަށް ކަނޑައަޅައި ބާކީ 48 މަހުގެ ތެރޭގައި ދެއްކުމަށް އަންގައިފި

އެއްބަސްވުމުގެ 16 ވަނަ މާއްދާގައި ބައެއް މުއްދަތު ފުރިހަމަކުރި މުވައްޒަފުން ތަފާތުކޮށްފައި ނުވާކަމާއި، ލުޔެއް ދިނުމުގެ އިޚްތިޔާރު އޮތީ ކުންފުންޏަށް ކަމާއި، ކުންފުނިން ލުޔެއް ނުދިނުމަށް ނިންމާފައިވާތީ ޝަރީޢަތުން ލުޔެއް ނުދެވޭނެކަމަށް ކަނޑައަޅައި، މުޅި ޚަރަދުން ދައްކާފައިވާ 141,431.74ރ އުނިކޮށް ބާކީ 256,378.76ރ ދެއްކުމަށް ޙުކުމްކުރިއެވެ.