މޯލްޑިވްސް ޕޯސްޓް ލިމިޓެޑް ވ. ހަސަން ސަލީމް

ވަޒީފާއާބެހޭ ޓްރައިބިއުނަލުން ވަކިކުރީ ޤާނޫނު ނަންބަރު 2/2008 (ވަޒީފާއާބެހޭ ޤާނޫނު) ގެ 23 ވަނަ މާއްދާއާ ޚިލާފަށާއި އިޖުރާއީ ޢަދުލުވެރިކަން ފުރިހަމަނުކޮށްކަމަށް ކަނޑައަޅައި، ވަޒީފާއަށް އަނބުރާ ނުލައި ބަދަލާއި ސަސްޕެންޝަން މުއްދަތުގެ މުސާރަ ދިނުމަށް އަމުރުކުރިއެވެ.

މޯލްޑިވްސް ޕޯސްޓް ލިމިޓެޑްގައި އެސިސްޓެންޓް ޑިރެކްޓަރެއްގެ ގޮތުގައި ހުރި މުވައްޒަފަކު، އަންހެން މުވައްޒަފަކާއެކު ފާޚާނާ ބަރިއަކަށް ވަނުން ފަދަ ސުލޫކީ މިންގަނޑާ ޚިލާފު ޢަމަލުތައް ތަކުރާރުކުރިކަމަށް ބުނެ ސަސްޕެންޑްކޮށް ނޯޓިހެއް ނުދީ ވަޒީފާއިން ވަކިކުރިއެވެ.

ކުންފުނިން ބުނީ ޤާނޫނު ނަންބަރު 2/2008 (ވަޒީފާއާބެހޭ ޤާނޫނު) ގެ 23 ވަނަ މާއްދާގެ ޙާލަތެއް މެދުވެރިވެފައިވާކަމަށާއި ވަކިކުރުމުގެ ކުރިން ތުހުމަތު އަންގައި ޖަވާބުދާރީވުމުގެ ފުރުޞަތު ދީފައިވާތީ އިޖުރާއީ ޢަދުލުވެރިކަން ޤާއިމުކޮށްފައިވާކަމަށެވެ.

ސުލޫކީ މައްސަލައެއްގެ ސަބަބުން ނޯޓިހެއް ނުދީ ވަކިކުރި މުވައްޒަފުގެ މައްސަލައިގައި، ވަޒީފާއާބެހޭ ޤާނޫނުގެ 23 ވަނަ މާއްދާގެ ޙާލަތެއް މެދުވެރިވެފައި ނުވާކަމަށާއި އިޖުރާއީ ޢަދުލުވެރިކަން ޤާއިމުކޮށްފައި ނުވާކަމަށް ވަޒީފާއާބެހޭ ޓްރައިބިއުނަލުން ނިންމީ ރަނގަޅަށްތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ޢަމަލަކީ ވަޒީފާގެ ގުޅުން ކެނޑޭވަރުގެ ސީރިއަސް މިސްކޮންޑަކްޓެއްކަން ކުންފުނިން ހެކިން ސާބިތުނުކުރާތީއާއި، ތުހުމަތު ބިނާކުރި ސީސީޓީވީ ފުޓޭޖު މުވައްޒަފަށް ނުދައްކާތީ، ޓްރައިބިއުނަލް ނިންމުން ރަނގަޅުކަމަށް ބެލިއެވެ.