މޯލްޑިވްސް އެއަރޕޯޓްސް ކޮމްޕެނީ ލިމިޓެޑް ވ. އަހްމަދު ސާޖިދު

ވަޒީފާއާބެހޭ ޓްރައިބިއުނަލުން، ގަސްތުގައި ނުބައި ނިޔަތެއްގައި ކުރިކަން ސާބިތުނުވާތީ ވަކިކުރީ އެކަށީގެންވާ ސަބަބަކާ ހުރެ ނޫންކަމަށް ކަނޑައަޅައި، ވަޒީފާ އިޢާދަކުރުމުގެ ބަދަލުގައި ވަޒީފާއާބެހޭ ޤާނޫނުގެ 29 ވަނަ މާއްދާގެ ދަށުން 142,386.67ރ. ބަދަލު ނަގައިދިނެވެ.

އެމް.އޭ.ސީ.އެލްގެ އެސިސްޓަންޓް ޕެސެންޖަރ ސާރވިސް އޮފިސަރަކު، އެއަރ އޭޝިއާ ފްލައިޓަކަށް ގުރޫޕެއްގެ 5 ލަގެޖު ޗެކްއިން ކުރިއިރު، އަސްލު ބަރުދަނަށްވުރެ 19 ކިލޯ ލުއިކޮށް ޓެގްކުރިކަމަށް ފާހަގަކުރެވުނެވެ. ޑިސިޕްލިނަރީ ކޮމިޓީން ކުންފުނީގެ ރެކޯޑު ޤަޞްދުގައި ބަދަލުކުރިކަމަށް ބަލައި ނޯޓިސް ނުދީ ވަޒީފާއިން ވަކިކުރިއެވެ.

އެމް.އޭ.ސީ.އެލްއިން ބުނީ ވަޒީފާއާބެހޭ ޤާނޫނުގެ 23 ވަނަ މާއްދާއާއި ކުންފުނީގެ ނުކުތާތަކަށް ރިޢާޔަތްނުކޮށް ނިންމާފައިވާ ކަމަށާއި، ލިޔުމުން ކަނޑައެޅިފައިވާ އުޞޫލާ ޚިލާފަށް ބައެއް ފަހަރު ޢަމަލުކުރުމަކީ ހުއްޖަތެއް ނޫން ކަމަށާއި، ކުންފުނީގެ ނަމަށް ގެއްލުން ލިބުނު ކަމަށް.

ލަގެޖުގެ ބަރުދަން ލުއިކޮށް ޓެގްކުރިކަމުގެ ސަބަބުން، ކުންފުނީގެ ރެކޯޑު ޤަޞްދުގައި ބަދަލުކުރިކަމުގެ ކުށުގައި މުވައްޒަފަކު ވަޒީފާއިން ވަކިކުރީ ޤާނޫނާ އެއްގޮތަށް އެކަށީގެންވާ ސަބަބަކާ ހުރެތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ވަކިކުރީ ރެކޯޑު ޤަޞްދުގައި ބަދަލުކުރިކަމުގެ ތުހުމަތުގައި ކަމަށްވާއިރު، ޤަޞްދު ސާބިތުކުރުމުގެ ބުރަ ކުންފުނީގެ މައްޗަށް އޮތުމާއި، ބެލްޓުގައި މައްސަލަ ދިމާވި ހާލަތުގައި ހިނގާފައިވާ ގޮތަށް ބަލާއިރު ފަރުވާކުޑަކަމުން ކަމަށް ބުރަވެވޭތީ، ކުންފުންޏަށް ޤަޞްދު މަދަނީ މިންގަނޑަށް ސާބިތުކޮށްދެވިފައި ނުވާކަމަށް.