އެމް 7 ޕްރިންޓް ޕވޓ ލޓޑ ވ. ހެރިންސް ސައިންސް

ސިވިލް ކޯޓުން، ހެރިންސް ސައިންސަކީ ޢަބްދުލް ޙަންނާން އަބޫބަކުރުގެ ވިޔަފާރިއެއް ކަމުގައި ބަލައި، ސާބިތުވި ފައިސާ ދެއްކުމަށް އޭނާއަށް އަންގައި ޙުކުމްކުރިއެވެ.

އެމް7 ޕްރިންޓް ޕްރައިވެޓް ލިމިޓެޑުން ހެރިންސް ސައިންސަށް ދިން ޚިދުމަތުގެ އިންވޮއިސްތަކުގެ ފައިސާ، ޖޫރިމަނާ އަދި ގެއްލުމުގެ ބަދަލު ހޯދުމަށް ސިވިލް ކޯޓަށް ދަޢުވާކުރިއެވެ. ދަޢުވާ ފޯމުގައި ދަޢުވާލިބޭ ފަރާތަކީ 'ހެރިންސް ސައިންސް (ޢަބްދުލް ޙަންނާން)' އެވެ؛ ނަމަވެސް ހައިކޯޓުން ސާފުކުރުމުން ވިޔަފާރި ރަޖިސްޓްރީވެފައިވަނީ ޢަބްދުﷲ ނާޞިރުގެ ނަމުގައެވެ.

އަމިއްލަ ފަރުދީ ވިޔަފާރިއެއްގެ ނަމުގައި ކުރެވުނު މުޢާމަލާތެއްގެ ދަރަނީގެ ދަޢުވާގައި، އެ ވިޔަފާރި ރަޖިސްޓްރީވެފައިވާ މަސްއޫލުވެރި ފަރާތަށް ދަޢުވާ ރައްދުނުކޮށް، އެހެން މީހެއްގެ މައްޗަށް ދަރަނި ދެއްކުމަށް ސިވިލް ކޯޓުން ކުރި ޙުކުމް ޤާއިމުވޭތޯ؛ އަދި ޚަޞްމުން ނުނަގާ އިޖުރާއީ ނުކުތާއެއްގެ މައްޗަށް ހައިކޯޓަށް ޙުކުމަށް ބަދަލު ގެނެވޭތޯ.

ދަށުކޯޓުގެ ޙުކުމް ބާޠިލު؛ އިޖުރާއަތުތަކާ އެއްގޮތަށް ސިވިލް ކޯޓަށް އަލުން ހުށަހަޅައިފިނަމަ ބަލައިގަތުމަށް

ފަރުދީ ވިޔަފާރިއަކީ ވަކި ޤާނޫނީ ޝަޚްޞެއް ނޫންކަމާއި، ޒިންމާވާނީ ރަޖިސްޓްރީވެފައިވާ މަސްއޫލުވެރިޔާކަމާއި، އޭނާއަށް ދަޢުވާ ރައްދުނުކޮށް ފުރުޞަތުނުދީ އެހެން މީހެއްގެ މައްޗަށް ޙުކުމްކޮށްފައިވާތީ، ކޯޓުތަކުގެ ޤާނޫނުގެ 18 (ހ) ގެ ދަށުން ޙުކުމް ބާޠިލުކުރިއެވެ.