ކްރޮސްވޯލްޑް މޯލްޑިވްސް ޕވޓ ލޓޑ ވ. ޢަބްދުﷲ ރަޝީދު

ސިވިލް ކޯޓުން ބާކީ 90,000 ޑޮލަރު ދައްކަންޖެހޭކަން ސާބިތުވާކަމަށް ކަނޑައަޅައި، ކޮންމެ މަހަކު ބައެއް ދައްކަމުން ގޮސް 6 މަސްދުވަހުގެ ތެރޭގައި ދައްކައި ނިންމުމަށް ކުންފުންޏަށް އަންގައި ޙުކުމްކުރިއެވެ.

ބޯޓެއް އޭގެ ސާމާނާއެކު 140,000 ޑޮލަރަށް އިސްތިއުނާފުކުރި ކުންފުންޏަށް ވިއްކައި ރަޖިސްޓްރީ ބަދަލުކުރިއިރު، 50,000 ޑޮލަރު ދައްކައި ބާކީ 90,000 ޑޮލަރު ނުދައްކާތީ، ވިއްކި މީހާގެ ވާރިޘުން އެ ފައިސާ ހޯދުމަށް ދަޢުވާކުރި މައްސަލައެކެވެ.

އިސްތިއުނާފުކުރި ފަރާތުން ބުނީ އެއްބަސްވި އަގަކީ 591,000 ރުފިޔާ ކަމަށާއި، މައްސަލަ ފުލުހުންގެ ފަރާތުން ޙައްލުކޮށް ނިމިފައިވާ ކަމަށާއި، ޝަރުޠުތަކެއް ފުރިހަމަނުވެގެން އެއްބަސްވުން އުވިފައިވާ ކަމަށާއި، ޗެކްތަކަކީ ކުންފުނީގެ ޗެކްތަކެއް ނޫން ކަމަށާއި، ސޮއިކުރި މީހާ ހެކިއަށް ޙާޟިރުނުކުރި ކަމަށެވެ.

ބޯޓެއް ވިއްކުމުގެ މުޢާމަލާތުގައި އެއްބަސްވި އަގަކީ ކޮބައިކަމާއި، ޗެކްތަކުން ދައްކާފައިވަނީ އެ ބޯޓުގެ އަގު ކަމުގައި ބެލޭނެތޯއާއި، ބާކީ 90,000 ޑޮލަރު ދައްކަން ޖެހޭނެތޯ ކަނޑައެޅުން.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ލިޔެކިޔުމުގެ އެއްބަސްވުން ބާޠިލު ނުކޮށް ދެމިއޮތުމުން އެއީ ޞައްޙަ އެއްބަސްވުމެއް ކަމުގައި ބެލުމާއި، ޗެކްތަކުގެ ތާރީޚާއި ޢަދަދު އެއްބަސްވުމާ ދިމާވުމާއި، ފުލުހުން ޙައްލުކުރީ ހަމައެކަނި އެއް ޕޭމަންޓް ކަމުގައިވުމުން، ބާކީ 90,000 ޑޮލަރު ދައްކަންޖެހޭކަން ސާބިތުވާތީ ދަށުކޯޓުގެ ޙުކުމް ޤާއިމުކުރިއެވެ.