ކ. މާފުށި ކައުންސިލްގެ އިދާރާ ވ. ޝަހީމާ މުޙައްމަދު އިބްރާހީމް

15 ދުވަހުގެ ތެރޭގައި އެ ބައި ވާރިޘުގެ ނަމުގައި ރަޖިސްޓްރީކޮށް ހަވާލުކުރުމަށް ކައުންސިލަށް އަމުރުކޮށް، ޢަމަލުނުކޮށްފިނަމަ ކައުންސިލްގެ ޒިންމާދާރު ވެރިންނާމެދު ކޯޓުގެ ޙުރުމަތް ރައްކާތެރިކުރުމުގެ ޤަވާޢިދުގެ ދަށުން ފިޔަވަޅު އަޅާނެކަމަށް އަންގައިފިއެވެ.

ތަރިކަ ބެހުމުން ވާރިޘަކަށް ލިބުނު ގޯތީގެ ބައި އެ ފަރާތުގެ ނަމުގައި ރަޖިސްޓްރީ ނުކޮށްދިން ކަމާ ގުޅިގެން މާފުށި މެޖިސްޓްރޭޓް ކޯޓަށް މައްސަލައެއް ހުށަހެޅިފައި ވަނިކޮށް، މައުޟޫޢު ނިންމުމުގެ ކުރިން އެ ކޯޓުން 01/2018 ކޯޓު އަމުރު ނެރުނެވެ.

ކައުންސިލުން ބުނީ، ދެފަރާތުގެ އަޑު ނާހައި ޤާނޫނުއަސާސީގެ 42 ވަނަ މާއްދާއާ ޚިލާފަށް އަމުރު ނެރުނު ކަމަށާއި، މައުޟޫޢު ބަލައި ޙުކުމް ކުރުމުގެ ކުރިން މައުޟޫޢަށް ގޮތެއް ކަނޑައެޅޭ ގޮތަށް އަމުރު ނެރުނު ކަމަށެވެ. ރައްދުވި ފަރާތް ހައިކޯޓުގައި ބުނީ އެ އަމުރަކީ އޭނާގެ އެދުމަކަށް ނެރުނު އަމުރެއް ނޫން ކަމަށެވެ.

ތަރިކަ ބެހުމާ ގުޅޭ މައުޟޫޢީ މައްސަލައެއް ނިންމުމުގެ ކުރިން، ކައުންސިލްގެ ބަހެއް ނުހޯދާ، ގޯތީގެ ބައެއް ވާރިޘެއްގެ ނަމުގައި ރަޖިސްޓްރީކުރުމަށް ކައުންސިލަށް އަމުރުކޮށް ނެރުނު ކޯޓު އަމުރަކީ ޝަރުޢީ އަދި ޤާނޫނީ ހަމަތަކާ އެއްގޮތަށް ނެރެފައިވާ އަމުރެއްތޯ.

ދަށުކޯޓުގެ ކޯޓު އަމުރު ބާޠިލު

އަމުރަކީ ފަރާތެއްގެ އެދުމަކަށް ނުވަތަ ކުއްލި ޙާލަތަކަށް ނެރުނު އަމުރެއް ނޫން، ކައުންސިލްގެ ބަސް ނުހޯދާ މައުޟޫޢަށް ދާއިމީ ޙިމާޔަތް ކުރިއާލާ ދޭ އަމުރަކަށްވާތީ ޤާނޫނުއަސާސީގެ 42 (ށ) އާއި 2012/SC-A/21 ގެ އުޞޫލާ ޚިލާފެވެ.