އިސްމާޢީލް ރަފީޢު ވ. މޫސާ ޤާސިމް

ކްރިމިނަލް ކޯޓުގެ މައްސަލައިގައި ވަކިގޮތެއް ކަނޑައެޅުމުގެ ކުރިން މި ދަޢުވާ މިހިނދު ބަލައި ކުރިއަށް ގެންދާނެ ތަނެއް ނެތްކަމަށް ސިވިލް ކޯޓުން ނިންމި.

އިސްތިއުނާފުކުރި ފަރާތަށް ސިވިލް ކޯޓުގެ ޤަޟިއްޔާއަކުން ލިބެންޖެހޭ ފައިސާގެ ތެރެއިން 456,700 ރުފިޔާ، އިސްތިއުނާފު ރައްދުވާ ފަރާތް ހުއްދަނެތި ބޭނުންކޮށްފައިވާތީ އެ ފައިސާ ހޯދުމަށް ސިވިލް ކޯޓަށް ދަޢުވާކުރި. ހަމަ އެ ޢަމަލާ ގުޅިގެން ސޮއި ފޯޖުކޮށް ޗެކުން ފައިސާ ނެގި ކަމަށް ދައުލަތުން ކްރިމިނަލް ކޯޓުގައި ދަޢުވާކޮށް، އެ ދަޢުވާގައި ހަމަ އެ ޢަދަދު ހޯދައިދިނުމަށްވެސް އެދިފައިވިއެވެ.

އިސްތިއުނާފުކުރި ފަރާތުން ބުނީ، އެއްބަސްވުމުގެ ދަށުން ބޭނުންކުރި ފައިސާ ހޯދުމަކީ ސިވިލް ކޯޓުގެ އިޚްތިޞާޞްގައި ހިމެނޭ ކަމެއްކަމާއި، ސުޕްރީމް ކޯޓުގެ 2009/SC-A/24 ޤަޟިއްޔާ ނުބައިކޮށް މާނަކޮށްފައިވާކަމާއި، 1726/Cv-C/2012 ޤަޟިއްޔާގެ ނިންމުމަށް ރިޢާޔަތް ނުކުރާކަމެވެ.

ޖިނާއީ ދަޢުވާގައި ގެއްލިފައިވާ މަދަނީ ޙައްޤު (ފައިސާ) ހޯދައިދިނުމަށް ދައުލަތުން އެދި ކްރިމިނަލް ކޯޓުގައި މައްސަލަ ހިނގަމުންދަނިކޮށް، ހަމަ އެ ޢަމަލުގެ ސަބަބުން ގެއްލުނު ހަމަ އެ ފައިސާ ހޯދުމަށް ސިވިލް ކޯޓަށް ހުށަހެޅޭ ދަޢުވާ އެހިނދު ބަލައި ކުރިއަށް ނުގެންދެވޭނެކަމަށް ސިވިލް ކޯޓުން ނިންމި ނިންމުން ޞައްޙަތު ނޫންތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދެ ދަޢުވާ ބިނާވެފައިވަނީ އެއް ޢަމަލެއްގެ މައްޗަށް ކަމާއި ދެ ދަޢުވާގައި ހޯދަން އެދެނީ ހަމަ އެއް ޢަދަދު ކަމުން، 2011/HC-A/118 ގައިވާ އުޞޫލުގެ ދަށުން ދެ މައްސަލަ އެކުއެކީގައި ހިންގުމަކީ ނުޙައްޤު މަންފާއެއް ލިބިދާނެ ކަމެއްކަމުން ސިވިލް ކޯޓުގެ ނިންމުމަށް ބަދަލު ނުގެނެވޭނެ.