އިސްމާއިލް މުހައްމަދު ވ. މޯލްޑިވްސް ޕޯޓްސް ލިމިޓެޑް

އެމް.ޕީ.އެލްއިން އެއްބަސްވުމާ ޚިލާފުވިކަން ޘާބިތުނުވާތީ އެދުނު ޚަރަދުތައް ނަގައިނުދެވޭނެ ކަމަށާއި، އަގުކޮމިޓީން ކަނޑައެޅި 215,975 ރުފިޔާ ދައްކަންޖެހޭ ކަމަށާއި، ސެކިއުރިޓީ ޑިޕޮސިޓަށް އެއްބަސްވުމުގެ 5 ވަނަ މާއްދާގެ ދަށުން ޢަމަލުކުރަންޖެހޭ ކަމަށް ސިވިލް ކޯޓުން ޙުކުމްކުރިއެވެ.

އިސްތިއުނާފުކުރި ފަރާތް ބީލަމުން މާލޭ އުތުރު ބަނދަރުގެ ކެންޓީން ކުއްޔަށް ހިފުމަށްފަހު ފެންހިންދާ ނިޒާމު ހެދުމުގެ ހުއްދައަށް އެދުނުއިރު، އެ ބަނދަރަކީ މިނިސްޓްރީން އެމް.ޕީ.އެލްއާ ހިންގަން ޙަވާލުކޮށްފައިވާ ތަނަކަށްވާތީ ހުއްދަ ނުދެވި ލަސްވިއެވެ. އެހެންކަމުން އެއްބަސްވުން ރޫޅާލައި ޚަރަދާއި ގެއްލުން ހޯދަން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ މުޅި ދަޢުވާއަށް ރިޢާޔަތްނުކުރި ކަމަށާއި، ހުއްދަތައް ހޯދުމުގެ މަސްއޫލިއްޔަތާއި ހާމަނުކުރި ޙަޤީޤަތްތަކަށް (ކޮންޓްރެކްޓާބެހޭ ޤާނޫނުގެ 16 ވަނަ މާއްދާ) ބަލާފައިނުވާ ކަމަށާއި، ޚަރަދުތަކުގެ ތަފްޞީލް ހުށަހަޅާފައިވާ ކަމަށެވެ.

ބަނދަރުގައިވާ ކެންޓީނެއް ކުއްޔަށް ދިނުމުގެ އެއްބަސްވުމުގައި ކުއްޔަށްދޭ ފަރާތުން މުހިންމު މަޢުލޫމާތު ހާމަނުކޮށް، ކެންޓީން ހިންގުމަށް ބޭނުންވާ ހުއްދަ ހޯދައިނުދެވުމުން، ކުއްޔަށް ހިފި ފަރާތަށް އެއްބަސްވުން އުވާލައި ކުރި ޚަރަދުތައް ހޯދުމުގެ ޙައްޤު ލިބޭތޯ، އަދި ސިވިލް ކޯޓުން މުޅި ދަޢުވާއަށް ރިޢާޔަތްކޮށްފައިވޭތޯ.

ބައެއް ބަދަލުކުރި (އަގުކޮމިޓީގެ 215,975 ރުފިޔާ ޤާއިމްކޮށް، އިތުރަށް 401,838.70 ރުފިޔާ ނަގައިދިނުމަށް ޙުކުމްކުރި)

އެމް.ޕީ.އެލްއަށް ހުއްދަ ދިނުމުގެ ބާރު ނެތްކަން ހާމަނުކުރުމުން އެއްބަސްވުން ވެވުނީ ޙަޤީޤަތް އޮޅޭ މަޢުލޫމާތުގެ މައްޗަށް ކަމާއި، ހުއްދަ ހޯދައިދިނުމަކީ ޟިމްނީ ޝަރުޠެއް ކަމުން އެއްބަސްވުން voidable ކަމަށާއި، ފަރުވާއަކީ ރުޖޫޢަކޮށްދިނުމާއި ޘާބިތުވާ ޚަރަދު ނަގައިދިނުން ކަމަށް ކޯޓުން ނިންމިއެވެ.