2016/HC-A/334

ހައްދުންމަތީ ގަމު މެޖިސްޓްރޭޓް ކޯޓުން، ވެހިކަލުގެ ސްޓިކަރުތަކުގެ މުއްދަތު ހަމަވި 2013 ނޮވެމްބަރާ ހަމައަށް 396 ދުވަހަށް ދުވާލަކަށް 1,000 ރުފިޔާގެ ރޭޓުން 396,000 ރުފިޔާ ދައްކަން ޙުކުމްކުރިއެވެ.

ދަޢުވާކުރި ފަރާތުގެ ފިއުލް ބައުޒަރެއް ދުވާލަކަށް 1,000 ރުފިޔާގެ ރޭޓުން ފެނަކަ ކޯޕަރޭޝަނަށް ކުއްޔަށް ދީފައިވާކަމަށް ބުނެ 990,000 ރުފިޔާ ހޯދުމަށް ދަޢުވާކުރި މައްސަލައެކެވެ. ފެނަކައިން ބުނީ ބައުޒަރު ކުއްޔަށް ހިފާފައި ނުވާކަމަށާއި، ހޮޅިއެއް ފަޅައިގެން ގޮސް ބޭނުންކުރެވޭ ޙާލަތުގައި ނޯވާކަމަށެވެ.

ފެނަކައިން ބުނީ ބައުޒަރު ކުއްޔަށް ނެގީ އެންމެ ދުވަހަކަށް ކަމަށާއި، purpose for fit ޟިމްނީ ޝަރުޠު ހަމަނުވާކަމަށާއި، ދުވާލަކަށް އަގު ކަނޑައަޅަން ހުއްދަ ދީފައި ނުވާކަމަށާއި، ވުޖޫދުގައި ނުވާ އެއްބަސްވުމަކަށް ރިޢާޔަތްކޮށް ނިންމާފައިވާކަމަށެވެ.

ފިއުލް ބައުޒަރެއް ދުވާލަކަށް 1,000 ރުފިޔާގެ ރޭޓުން ވަކި މުއްދަތެއް ނެތި ކުއްޔަށް ނަގާފައިވާކަމަށް ދަށުކޯޓުން ކަނޑައެޅުމަކީ ހުށަހެޅުނު ހެކި ޤަރީނާއިން ސާބިތުވާ ކަމެއްތޯ؛ އަދި ކުލީގެ އެއްބަސްވުމެއް ސާބިތުކުރުމުގެ ބުރަ އުފުލަންޖެހޭނީ ކޮން ފަރާތަކުންތޯ.

ދަށުކޯޓުގެ ޙުކުމް ބާޠިލުކޮށް ބަދަލު ގެނައި (3 ދުވަހުގެ ކުލި 3,000 ރުފިޔާ ދައްކަން ކަނޑައެޅި)

ދަޢުވާއަށް އިންކާރުކޮށްފައިވާތީ ސާބިތުކުރުމުގެ ބުރަ އޮތީ ދަޢުވާކުރި ފަރާތުގައެވެ. އެއްބަސްވުމުގެ މުއްދަތާއި ކުލި ފަދަ އަސާސީ ކަންތައްތައް ސާބިތުކޮށްދެވިފައި ނުވާތީ ދަޢުވާ ސާބިތެއް ނުވެއެވެ. ނަމަވެސް 3 ދުވަހު ބައުޒަރު ބޭނުންކުރިކަން ހެކިބަހުން ސާބިތުވާތީ އެ 3 ދުވަހުގެ ކުލި ދައްކަން ކަނޑައެޅިއެވެ.