އިބްރާހީމް ޢަބްދުއްލަޠީފު ވ. ސްޓޭޓް ބޭންކް އޮފް އިންޑިޔާ

ސިވިލް ކޯޓުން ބިމާބެހޭ ޤާނޫނުގެ 36 ވަނަ މާއްދާއާ އެއްގޮތަށް 3 މަސްދުވަހުގެ ތެރޭގައި ދެ ގޯތި ވިއްކާލުމުގެ ހުއްދަ ބޭންކަށް ދިނެވެ.

ސިވިލް ކޯޓުގެ C/2013-Cv/2345 ޤަޟިއްޔާއިން ސްޓޭޓް ބޭންކް އޮފް އިންޑިއާއަށް ދައްކަންޖެހޭކަމަށް ސާބިތުވި ލޯނުގެ ފައިސާ ނުދެއްކުމުން، ޙުކުމް ތަންފީޛުކުރުމަށް ބޭންކުން އެދި، ލޯނަށް ރަހުނުކުރެވިފައިވާ ދެ ގޯތި ވިއްކުމުގެ ހުއްދައަށް އެދުނެވެ.

ވެލިއުއޭޝަނަކާއި ނުލައި އަދި ކިހާ މިންވަރެއް ވިއްކަންޖެހޭތޯ ނުބައްލަވައި ކޯޓުގެ ކުރީގެ އުޞޫލާ ޚިލާފަށް ހުއްދަ ދިންކަމާއި، އަޑުއެހުމަކާއި ނުލައި ނިންމިކަމާއި، ލޯނުގެ ސްޓޭޓްމަންޓް އެއްބަސްވުމާ ޚިލާފުކަން އިސްތިއުނާފުކުރި ފަރާތްތަކުން ބުނެފައިވެއެވެ.

ޙުކުމް ތަންފީޛުކުރުމުގެ މައްސަލައެއްގައި ސިވިލް ކޯޓުން ރަހުނުކުރެވިފައިވާ ދެ ގޯތި ވިއްކާލުމުގެ ހުއްދަ ދިނީ، މާކެޓް ވެލިއުއޭޝަނަކާއި ނުލައި އަދި ދެ ގޯތިން ކިހާ މިންވަރެއް ވިއްކަންޖެހޭތޯ ކަނޑައެޅުމަކާއި ނުލައި، ކޯޓުގެ ކުރީގެ އުޞޫލާ ޚިލާފަށްތޯ؛ އަދި ލޯނުގެ ސްޓޭޓްމަންޓާ ބެހޭ ނުކުތާ އިސްތިއުނާފުގައި ބެލެވޭނެތޯ.

ރަހުނު ވިއްކާލުމުގެ ހުއްދަ ބާޠިލުކޮށް، ސިވިލް ކޯޓުން އަލުން ގޮތެއް ނިންމުމަށް ފޮނުވި

ރަހުނު ތަންފީޛުކުރުމުގައި ކޯޓުން ކަށަވަރުކުރަންޖެހޭ ކަންކަމުގެ ތެރެއިން ރަހުނު މުޅިން ނުވަތަ ބައެއް ވިއްކަންޖެހޭތޯ ކަނޑައަޅާފައި ނުވާތީއާއި މާކެޓް ވެލިއުއޭޝަނެއް ނުހަދާތީ، ކޯޓުގެ ކުރީގެ އުޞޫލާ ޚިލާފަށް ހުއްދަ ދީފައިވާތީ ހުއްދަ ބާޠިލުކުރިއެވެ. ލޯނުގެ ސްޓޭޓްމަންޓާ ބެހޭ ނުކުތާ res judicata ގެ ސަބަބުން ބަލައިނުގަނެވުނެވެ.