ޙުސައިން ޝާމިލް ވ. ޕްރޮސިކިއުޓަރ ޖެނެރަލް

މަތިވެރި މެޖިސްޓްރޭޓް ކޯޓުން، ތަން ހިންގުމާ ހަވާލުވެހުރި އެންމެ އިސް ފަރާތަކީ އިސްތިއުނާފުކުރި ފަރާތްކަމުން ބަނގުރާ ގެންގުޅުމުގެ ކުށް ސާބިތުވާކަމަށް ކަނޑައަޅައި 5000 ރުފިޔާގެ ޖޫރިމަނާ ކުރިއެވެ. އެހެން ދެ ފަރާތުގެ މައްޗަށް ކުށް ސާބިތުނުވިއެވެ.

ފުލުހުން ކޯޓު އަމުރެއްގެ ދަށުން އއ.މަތިވެރީގެ ގެސްޓްހައުސްއެއް ބަލައި ފާސްކުރިއިރު ސްޓޯރޫމުން ގިނަ އަދަދެއްގެ ބިޔަރާއި ބަނގުރާ ފެނުނެވެ. އެ ވަގުތު ތަނުގެ ސުޕަވައިޒަރަކީ އިސްތިއުނާފުކުރި ފަރާތެވެ.

އިސްތިއުނާފުކުރި ފަރާތުން ބުނީ އޭނާއަކީ ތަނުގެ އިސް ފަރާތްކަމުގެ ހެއްކެއް ނެތްކަމަށާއި 51(އ) ގެ މިންވަރަށް ސާބިތުނުވާކަމަށާއި ޤާނޫނުއަސާސީގެ 20 ވަނަ މާއްދާއާ ޚިލާފަށް ވަކި މީހެއްގެ މައްޗަށް ދަޢުވާކުރިކަމަށެވެ. ދައުލަތުން ބުނީ ހެކިންގެ ހެކިބަހުން އޭނާއަކީ އިސް ފަރާތްކަން ސާބިތުވާކަމަށެވެ.

ގެސްޓްހައުސްއެއްގެ ސްޓޯރޫމުން ފެނުނު ބަނގުރަލުގެ ޒިންމާ، އެ ގެސްޓްހައުސް ހިންގުމާ ހަވާލުވެހުރި އެންމެ އިސް ފަރާތެއްގެ ގޮތުގައި ސުޕަވައިޒަރު އުފުލަންޖެހޭތޯއާއި، ޤާނޫނުއަސާސީގެ 51 ވަނަ މާއްދާގެ (އ) ގައިވާ މިންވަރަށް ބަނގުރާ ގެންގުޅުމުގެ ކުށް ސާބިތުވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް (އަޣުލަބިއްޔަތުން)

އަޣުލަބިއްޔަތުން ދެކެވުނީ ހެކިބަހުން ޙުސައިން ޝާމިލަކީ ތަނާ ހަވާލުވެހުރި އެންމެ އިސް ފަރާތްކަން އެނގޭތީއާއި ދިފާޢުގައި ހެއްކެއް ނެތުމުން މަސްއޫލިއްޔަތު އުފުލަންޖެހޭނެ ކަމަށެވެ. ޚިލާފު ރައުޔުގައި ބުނީ ސްޓޯރޫމް އޭނާގެ ކޮންޓްރޯލްގެ ދަށުގައި ހުރިކަމާއި ބަނގުރާ ހުރިކަން އޭނާއަށް އެނގޭކަމުގެ ހެއްކެއް ނެތްކަމަށެވެ.