ޙުސައިން އާދަމް ވ. މޯލްޑިވްސް ޕެންޝަން އެޑްމިނިސްޓްރޭޝަން އޮފީސް

5,000 ރުފިޔާ ލިބެމުންދަނީ ޕެންޝަން ޤާނޫނާއި ދައުލަތުން ކަނޑައަޅާފައިވާ ޚާއްޞަ ޢިނާޔަތުގެ އުޞޫލާ އެއްގޮތަށްކަން ސާބިތުވާތީ، އެދިފައިވާ ފައިސާ ނަގައިދެވޭނެ ހަމައެއް ނެތްކަމަށް ސިވިލް ކޯޓުން ޙުކުމްކުރި.

ސަރުކާރުން 65 އަހަރުވީ މީހުންނަށް ދޭ 5,000 ރުފިޔާގެ ބަދަލުގައި އަސާސީ ޕެންޝަނުގެ ގޮތުގައި 1,021/79 ރުފިޔާ ދޭތީ، މަހަކަށް ތަފާތުވާ ފައިސާ 2 އަހަރާއި 2 މަހަށް (ޖުމްލަ 95,477/04 ރުފިޔާ) ޕެންޝަން އޮފީހުން ހޯދަން އިސްތިއުނާފުކުރި ފަރާތުން ދަޢުވާކުރި.

އިސްތިއުނާފުކުރި ފަރާތުން ބުނީ ޙުކުމަކީ ޕެންޝަން ޤާނޫނުގެ 11 ވަނަ މާއްދާގެ (ހ)، (ނ) އާއި ޚިލާފު ނިންމުމެއްކަމާއި، އަސާސީ ޕެންޝަން ދޫކުރުމަކީ ޕެންޝަން އޮފީހުގެ މައިގަނޑު މަސައްކަތެއް ކަމުން ދިވެހިރާއްޖޭގެ ޕެންޝަނާބެހޭ ޤާނޫނުގެ 3 ވަނަ މާއްދާގެ (ރ) އާ ޚިލާފު ނިންމުމެއްކަމެވެ.

އުމުރުން 65 އަހަރުވީ މީހުންނަށް ސަރުކާރުން ދޭ 5,000 ރުފިޔާގެ ބަދަލުގައި މަދު ޢަދަދެއް ދިނުމުން ތަފާތު ފައިސާ ޕެންޝަން އޮފީހުން ހޯދައިދެވޭނެތޯ؛ 2019 ގައި ޕެންޝަން ޤާނޫނުގެ 11 ވަނަ މާއްދާގެ (ކ) އަށް ގެނައި އިސްލާޙު ކުރިން ނިމުނު މައްސަލައަކަށް ހިނގާނެތޯ، އަދި 'ސީނިއަރ ސިޓިޒަންސް އެލަވަންސް' ގެ ޝަކުވާ ހުށަހަޅަންވީ ކޮންފަރާތަކަށްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

2019 ގެ އިސްލާޙު ކުރީގެ މައްސަލައަކަށް ނުހިނގާކަމާއި، 5,000 ރުފިޔާގެ އެލަވަންސަކީ ޤާނޫނުގައިވާ އަސާސީ ޕެންޝަނެއް ނޫން ސަރުކާރުގެ ޚާއްޞަ ޢިނާޔަތެއްކަމާއި، އެކަމުގެ ޝަކުވާ ކުރަންވާނީ ފިނޭންސް މިނިސްޓްރީއަށްކަމަށް ހައިކޯޓުން ކަނޑައެޅި.