ހުންގާނު ޕވޓ ލޓޑ ވ. ޑރ. މިލްޒާ ޢަބްދުލްމުޙްސިން

މެޖިސްޓްރޭޓް ކޯޓުން ތަރިކަ ބަހައި، ނިޔާވިފަހުން 22 މަހުގެ ކުލި އެއްބަސްވުމުގައިވާ ގޮތުގެ މަތިން ކުންފުނިން ދައްކަންޖެހޭކަމަށާއި، ތަރިކައާބެހޭ ދަޢުވާގެ ޤާނޫނުގައިވާ މުއްދަތުގައި ދަޢުވާ ނުކުރާތީ މަރުޙޫމާއި ކުންފުންޏާ ދެމެދު ހެދި 3 އެއްބަސްވުން ބާޠިލްކަމަށް ކަނޑައެޅިއެވެ.

ބަންޑާރަ ގޯއްޗެއްގައި ހުރި ފިހާރައެއް ކުންފުންޏަކަށް ކުއްޔަށް ދީފައިވާ އެއްބަސްވުމާއި އޭގެ މުއްދަތު އިތުރުކުރުމުގެ 3 އެއްބަސްވުމުގެ މުއްދަތު ހަމަވުމުގެ ކުރިން ކުއްޔަށް ދިން ފަރާތް ނިޔާވިއެވެ. ވާރިސަކު ތަރިކަ ބެހުމަށް ދަޢުވާކުރިއެވެ.

ކުލީގެ މުޢާމަލާތަކީ ދަރަންޏެއް ނުވަތަ ވަޞިއްޔަތެއް ނޫން ހިނގަމުންދާ މުޢާމަލާތެއްކަމަށާއި، ވާރިޘުން ކުލި ނަގައިގެން ޢަމަލުން އެއްބަސްވުން ދަމަހައްޓަން އެއްބަސްވެފައިވާކަމަށާއި، އެޑްވާންސް ފައިސާ ކުލިން އުނިކުރަންޖެހޭކަމަށް ކުންފުނިން ހުށަހެޅިއެވެ.

އިމާރާތެއް ކުއްޔަށް ދިނުމުގެ އެއްބަސްވުމުގެ މުއްދަތު ހަމަވުމުގެ ކުރިން ކުއްޔަށް ދިން ފަރާތް މަރުވުމުން އެ އެއްބަސްވުން ބާޠިލުވޭތޯ ނުވަތަ އޭގެ ޙައްޤުތަކާއި އިލްތިޒާމްތައް ވާރިޘުންނަށް ނަޤުލުވޭތޯއާއި، މަރުޙޫމަށް ދީފައިވާ އެޑްވާންސް ފައިސާ ކުލިން އުނިކުރަންޖެހޭތޯ.

ބައެއް ބަދަލުކުރި؛ ފިހާރައިގެ ކުލި ދައްކަންޖެހޭކަމަށާއި ކުލީގެ 3 އެއްބަސްވުން ބާޠިލްކަމަށް ކަނޑައެޅި ބައި ބާޠިލުކުރި

އެއްބަސްވުމުގައި ބައިވެރިއަކު މަރުވިއަސް އެއްބަސްވުން ދެމިއޮންނާނެކަމަށް ބަޔާންކޮށްފައިވާތީއާއި، ކުލީގެ ކޮންޓްރެކްޓެއްގައި ކުއްޔަށްދޭ ފަރާތް މަރުވުމުން ޙައްޤުތަކާއި އިލްތިޒާމްތައް ވާރިޘުންނަށް ނަޤުލުވާތީ އެއްބަސްވުންތައް ވާރިޘުން ޢަމަލުކުރަންޖެހޭ އެއްބަސްވުންތަކެއްކަމަށާއި، އެޑްވާންސް ފައިސާ ކުލިން އުނިކުރަން އެއްބަސްވެފައިވާކަމަށް ކަނޑައަޅައި، ދަށުކޯޓުގެ ޙުކުމުގެ އެ ބައިތައް ބާޠިލުކުރެވުނެވެ.