އިލެކްޝަންސް ކޮމިޝަން ވ. ހަފީޘާ އިބްރާހީމް

ވަޒީފާއިން ވަކިކުރުމުގައި މައުޟޫޢީ އަދި އިޖުރާއީ ޢަދުލުވެރިކަން ޤާއިމްނުވާތީ އަންފެއަރ ޑިސްމިސަލް އެއްކަމަށް ކަނޑައަޅައި، އެއް ރޭންކެއްގެ މަޤާމަކަށް އަނބުރާ ރުޖޫޢުކުރުމަށް ޓްރައިބިއުނަލުން ނިންމިއެވެ.

އިލެކްޝަންސް ކޮމިޝަނުގެ މަސައްކަތު މުވައްޒަފަކު ސިއްޙީ ޙާލަތު ވަޒީފާއަށް ތަންނުދޭކަމަށް ބުނެ، ކޮމިޝަނުގެ 664 ވަނަ ޖަލްސާގެ ނިންމުމަކުން 55 އަހަރުވުމުން 15 ޖުލައި 2021 އިން ފެށިގެން މުސްކުޅިކުރިއެވެ.

ކޮމިޝަނުން ބުނީ ޓްރައިބިއުނަލުން ޤަވާޢިދުގެ 20 ވަނަ މާއްދާގެ (ށ) ގެ ދަށުން ކޮމިޝަނަށް ލިބިދޭ ބާރަށާއި 664 ވަނަ ޖަލްސާގައި ފާހަގަކުރި ކަންކަމަށް ރިޢާޔަތްނުކޮށް ނިންމި ކަމަށާއި، ވަކިކުރީ މުވައްޒަފުގެ މަޞްލަޙަތަށް ކަމަށެވެ.

އިލެކްޝަންސް ކޮމިޝަނުގެ ޤަވާޢިދުގެ 20 ވަނަ މާއްދާގެ (ށ) ގެ ދަށުން 55 އަހަރުވި މުވައްޒަފަކު މުސްކުޅިކުރުމުގައި މައުޟޫޢީ ޢަދުލުވެރިކަން ޤާއިމްވެފައި ނުވާކަމަށް ވަޒީފާއާބެހޭ ޓްރައިބިއުނަލުން ނިންމީ ރަނގަޅަށްތޯ.

އިސްތިއުނާފު ބާޠިލް، ޓްރައިބިއުނަލުގެ ނިންމުން ޤާއިމް

ސިއްޙީ ޙާލަތަށް ބިނާކުރި ލިޔުމަކީ 11 އަހަރު ކުރިންގެ ލިޔުމެއް ކަމާއި، ސެކްޝަން ވެރިޔާގެ ބަޔާނުން މުވައްޒަފުގެ މަސައްކަތް ރަނގަޅުވެފައިވާކަން ފެންނާތީ، ދައްކާފައިވާ ސަބަބުތަކަކީ މުސްކުޅިކުރުމަށް އެކަށީގެންވާ ސަބަބެއް ނޫންކަމަށް ކަނޑައެޅިއެވެ.