ސިވިލް ސަރވިސް ކޮމިޝަން ވ. މޫސާ ފުއާދު

ވަޒީފާއާބެހޭ ޓްރައިބިއުނަލުން، މާލޭ ހެލްތް ކޯޕަރޭޝަންގައި ވަޒީފާ އަދާކުރި މުއްދަތަކީ ސަރުކާރުގައި އުޅުނު މުއްދަތެއްކަމުގައި ބަލައި، އެއްފަހަރާ ދިން ފައިސާއާއި މުޅި އުމުރަށް ދެވޭ ޢިނާޔަތް އަލުން ހިސާބުކޮށް މަދުވާ ފައިސާ ދިނުމަށް ސިވިލް ސަރވިސް ކޮމިޝަނަށް އަމުރުކުރިއެވެ.

އިންދިރާ ގާންދީ މެމޯރިއަލް ހޮސްޕިޓަލްގެ ޑިރެކްޓަރ ޖެނެރަލްގެ ވަޒީފާއިން 55 އަހަރުވުމުން މުސްކުޅިކޮށް ވަކިކުރިއިރު، މާލޭ ހެލްތް ކޯޕަރޭޝަންގައި ވަޒީފާ އަދާކުރި 2 އަހަރާއި 5 މަސް ދުވަސް ސިވިލް ސަރވިސްގެ ޚިދުމަތުގެ މުއްދަތުގައި ނުގުނާތީ ޢިނާޔަތް މަދުން ލިބުނުކަމަށް ބުނެ މުވައްޒަފު ޓްރައިބިއުނަލަށް ހުށަހެޅިއެވެ.

ދައުލަތުން ބުނީ، ކޯޕަރޭޝަންގެ މުއްދަތު ހިމެނުމަކީ ސިވިލް ސަރވިސްގެ ޤާނޫނުގެ 3 ވަނަ މާއްދާގެ (ބ) އާއި 1 ވަނަ މާއްދާގެ (ހ) އާ ޚިލާފު ކަމަށާއި، 73 ވަނަ މާއްދާގެ (ނ) އަށް ރިޢާޔަތްކޮށްފައި ނުވާ ކަމަށެވެ.

ސަރުކާރުގެ 100 ޕަސެންޓް ހިއްސާވާ ކުންފުންޏެއް (މާލޭ ހެލްތް ކޯޕަރޭޝަން) ގައި މަސައްކަތްކުރި މުއްދަތު، ސިވިލް ސަރވިސްއިން މުސްކުޅިކޮށް ވަކިކުރުމުން ދޭ ޢިނާޔަތް ހިސާބުކުރުމުގައި ސަރުކާރަށް ޚިދުމަތްކުރި މުއްދަތުގެ ތެރޭގައި ހިމެނޭތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ޢިނާޔަތް ހިސާބުކުރަނީ ސަރުކާރުގައި ޚިދުމަތްކުރި މުއްދަތަށް ބަލައި ކަމާއި، މާލޭ ހެލްތް ކޯޕަރޭޝަނަކީ ސައްތައިން ސައްތަ ސަރުކާރު ހިއްސާވާ ކުންފުންޏަކަށްވާތީ އެ މުއްދަތުވެސް ހިމަނަންޖެހޭ ކަމާއި، ވަޒީފާއާބެހޭ ޤާނޫނުގެ 17 (ށ) ގެ ދަށުން ބަދަލުކުރެވުނުއިރު ޚިދުމަތަށް މެދުކެނޑުމެއް ނާންނާނެ ކަމަށް ކޯޓު ދެކުނެވެ.