2017/HC-A/74

ކްރިމިނަލް ކޯޓުން، ތަޙްޤީޤު ނިމި ބަންދުގައި ހުންނަތާ ގިނަ ދުވަސްތަކެއް ވެފައިވާތީ އިތުރަށް ބަހައްޓަންޖެހޭ ސަބަބެއް ނުފެންނަ ކަމަށް ކަނޑައަޅައި ބަންދުން ދޫކޮށްލިއެވެ.

ލޯންޗަކުން ބޭލި ފޮށްޓެއް ހިފައިގެން ހުއްޓާ ފުލުހުންގެ ބެލުމުގެ ދަށަށް ގެނެވުނު ފަރާތެއްގެ ފޮށީގައި ބަނގުރާ ހުރިކަމަށް ޝައްކުކުރެވޭ ފުޅިތައް ފެނުނެވެ. ބަނގުރާ ގެންގުޅެ ވިޔަފާރިކުރާކަމުގެ ތުހުމަތުގައި މުޖުތަމަޢުގެ ސަލާމަތާއި ރައްކާތެރިކަމަށްޓަކައި ބަންދު އިތުރުކުރަން ފުލުހުން އެދުނެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާއަށާއި، ސުޕްރީމް ކޯޓުގެ 2010/SC-A/19 ގެ 9 ވަނަ ނުކުތާއަށާއި، ޤާނޫނުއަސާސީގެ 134 ވަނަ މާއްދާގެ (ރ) ގެ ދަށުން ހައިކޯޓުގެ 2013/HC-A/371 ގައި ކަނޑައެޅި އުޞޫލަށް ރިޢާޔަތްނުކޮށް ނެރުނު އަމުރެއް ކަމަށެވެ.

ބަނގުރާ ގެންގުޅެ ވިޔަފާރިކުރުމުގެ ތުހުމަތުގައިވާ ފަރާތެއް، ތަޙްޤީޤު ނިމި ގިނަ ދުވަސް ބަންދުގައި ހުރުމުގެ ސަބަބުން ބަންދުން ދޫކޮށްލި ކްރިމިނަލް ކޯޓުގެ އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާއާއި ސުޕްރީމް ކޯޓުގެ 2010/SC-A/19 ގައިވާ އުޞޫލުތަކާ އެއްގޮތަށް ނެރުނު އަމުރެއްތޯ.

ދަށުކޯޓުގެ އަމުރު ބާޠިލު؛ 15 ދުވަހަށް ގޭބަންދުގައި ބެހެއްޓުމަށް އަމުރުކުރި

މަނާކުރެވިފައިވާ މަސްތުވާތަކެތީގެ ކުށްތަކަކީ މުޖުތަމަޢަށް ނުރައްކާތެރިކަން ބޮޑު ކުށްތަކެއްކަމަށް ސުޕްރީމް ކޯޓުން ފާހަގަކޮށްފައިވާއިރު، ތުހުމަތު އުފެދޭ މިންވަރުގެ ހެކި ޤަރީނާ ހުށަހަޅާފައިވާތީ، ތުހުމަތުކުރެވޭ ފަރާތް ދޫވެފައި ހުރުމަކީ މުޖުތަމަޢުގެ ސަލާމަތަށް ނުރައްކަލެއް ކަމަށް ބެލެވެއެވެ.