2017/HC-A/71

ސިވިލް ކޯޓުން ކަނޑައެޅީ އެއްބަސްވުން ބާޠިލުކުރީ 12.1 ވަނަ މާއްދާއާ ޚިލާފަށްކަމަށެވެ. ނަމަވެސް ގެއްލުމާއި އޭގެ މިންވަރު ސާބިތުނުވާތީ ބަދަލު ނަގައިނުދެއެވެ.

ސަރުކާރު ސްކޫލްތަކަށް ބިދޭސީ ޓީޗަރުން ގެނައުމަށް ކުންފުންޏާއި މިނިސްޓްރީ އޮފް އެޑިއުކޭޝަނާ ދެމެދު ވެފައިވާ އެއްބަސްވުން މިނިސްޓްރީން އުވާލުމުން ގެއްލުމުގެ ބަދަލު ހޯދުމަށް ކުންފުނިން ދަޢުވާކުރި މައްސަލައެކެވެ. އިމިގްރޭޝަނުގެ ސިޓީއަކާ ގުޅިގެން ޓީޗަރުންގެ މަޢުލޫމާތު ފޯރުކޮށްދިނުމަށް މިނިސްޓްރީން އެދުނުއިރު، ކުންފުނިން 51 ކެންޑިޑޭޓުންގެ ތެރެއިން 17 މީހުންގެ މަޢުލޫމާތު ފޮނުވިއެވެ.

ދައުލަތުން ބުނީ ފަހުން އެއްބަސްވުމެއް ނުވާކަމަށް ދަށުކޯޓުން ނިންމީ 2014/HC-A/131 ގެ އުޞޫލާ ޚިލާފަށާއި، ހުށަހެޅި ލިޔެކިޔުންތަކަށް ރިޢާޔަތް ނުކޮށްކަމަށެވެ. އިސްތިއުނާފު ރައްދުވާ ފަރާތް ޙާޟިރުނުވިއެވެ.

މިނިސްޓްރީ އޮފް އެޑިއުކޭޝަނުން ބިދޭސީ ޓީޗަރުން ރެކްރޫޓުކުރުމުގެ އެއްބަސްވުން ބާޠިލުކޮށްފައިވަނީ އެއްބަސްވުމުގެ 12.1 ވަނަ މާއްދާއާ ޚިލާފަށްތޯ، އަދި އެއްބަސްވުމުގައިވާ ގޮތް ނޫން ގޮތަކަށް ޢަމަލުކުރުމަށް ފަރާތްތައް ފަހުން އެއްބަސްވެފައިވޭތޯ.

ދަށުކޯޓުގެ ޙުކުމުގެ ބައެއް ބާޠިލު (އެއްބަސްވުން ބާޠިލުކުރީ 12.1 އާ ޚިލާފަށްކަމަށް ކަނޑައެޅި ބައި)

ކުންފުނިން 17 މީހުންގެ މަޢުލޫމާތު ފޮނުވުމުން އެއްބަސްވުމުގައިވާ ގޮތް ނޫން ގޮތަކަށް ޢަމަލުކުރުމަށް ފަހުން އެއްބަސްވިކަން އެނގެއެވެ. ބާކީ 34 މީހުންގެ މަޢުލޫމާތު ދިނުމަށް މުހުލަތު ދިނުމަށްފަހުވެސް ނުދިނުމުން، އެއްބަސްވުން ބާޠިލުކުރީ 12.1 ގެ ހަމަތަކުގެ މަތީންނެވެ.