2017/HC-A/443

މަޢުޟޫޢީ ޙައްޤެއް އޮތުމުގެ އިޙްތިމާލު ފާޅުކަން ބޮޑުކަމާއި، އަމުރު ނުނެރެފިނަމަ އިޢާދަނުކުރެވޭނެ ގެއްލުން ލިބިދާނެކަމަށް ފެންނާތީ ސިވިލް ކޯޓުން ވަގުތީ އަމުރު ނެރުއްވި.

ގޯތީގައި ހަދާ އިމާރާތް ކުއްޔަށް ދިނުމަށް ވެވުނު އެއްބަސްވުން ބާޠިލުކުރުމަށް ބިމުގެ ވެރިފަރާތުން ނޯޓިސް ފޮނުވުމުން، ނޯޓިސް ބާޠިލުކޮށް އެއްބަސްވުން ދެމެހެއްޓުމަށް އެދި ކުއްޔަށް ހިފި ކުންފުނިން ސިވިލް ކޯޓުގައި ދަޢުވާކޮށް، ދަޢުވާ ނިމެންދެން ގޯއްޗާއި އިމާރާތުގެ މައްޗަށް ތިންވަނަ ފަރާތެއްގެ މަޞްލަޙަތު އުފެދޭ މުޢާމަލާތެއް ނުކުރުމަށް ވަގުތީ އަމުރަކަށް އެދުނެވެ.

އިސްތިއުނާފުކުރި ފަރާތުން ބުނީ ތަދާރަކު ނުކުރެވޭ ގެއްލުމެއް ސާބިތުކޮށްފައިނުވާކަމަށާއި، މަޢުޟޫޢީ ޙައްޤެއް ފާޅުކަން ބޮޑުގޮތެއްގައި ޤާއިމުވެފައި ނުވާކަމަށާއި، އަމުރަކީ އާޚިރު ޙުކުމަށް އަސަރުކުރާ ނިންމުމެއްކަމަށާއި، ދެފަރާތުގެ ގެއްލުން އަޅާކިޔުމުން އަމުރު ނެރުމަކީ ޢަދުލުވެރި ގޮތް ނޫންކަމަށެވެ.

ކުލީގެ އެއްބަސްވުމާ ގުޅޭ ދަޢުވާ ނިމެންދެން އިމާރާތުގެ މައްޗަށް ތިންވަނަ ފަރާތެއްގެ މަޞްލަޙަތު އުފެދޭ މުޢާމަލާތެއް ނުކުރުމަށް ސިވިލް ކޯޓުން ނެރުއްވި ވަގުތީ އަމުރަކީ ވަގުތީ އަމުރު ނެރުމުގެ ޝަރުޠުތަކާ އެއްގޮތަށް ނެރުއްވާފައިވާ އަމުރެއްތޯ.

އިސްތިއުނާފު ބާޠިލް، ދަށުކޯޓުގެ ވަގުތީ އަމުރު ޤާއިމް

އަމުރަކީ ދަޢުވާ ނިމެންދެން އޮތް ޙާލަތު ދެމެހެއްޓުމަށް ނެރުއްވި އަމުރެއް ކަމަށްވާތީ މަޢުޟޫޢީ ޙައްޤަށް އަސަރުކުރާ އަމުރެއް ނޫންކަމަށާއި، ގެއްލުން ސާބިތުކުރަން ނުޖެހޭކަމަށާއި، ސިވިލް ކޯޓުން ބަޔާންކުރި ސަބަބުތަކަކީ ޤަބޫލުކުރެވޭ ސަބަބުތަކެއްކަމަށާއި، 2012/SC-A/21 ގައިވާ ޝަރުޠުތައް ފުރިހަމަވާކަމަށް ހައިކޯޓުން ކަނޑައެޅި.