2017/HC-A/333

މެޖިސްޓްރޭޓް ކޯޓުން، އިތުރަށް ބަންދުގައި ބަހައްޓަންޖެހޭ ފަދަ ސަބަބެއް އޮތްކަމަށް ނުފެންނާތީ ބަންދުން ދޫކޮށްލިއެވެ.

ތުހުމަތުކުރެވޭ ފަރާތަކީ ކުޑަކުއްޖަކާމެދު އެކިދުވަސްމަތިން ގަދަކަމުން ޖިންސީ ޢަމަލު ހިންގިކަމަށް ތުހުމަތުކުރެވޭ މީހެކެވެ. ފުލުހުން 15 ދުވަހަށް ބަންދު އިތުރުކުރުމަށް އެދުނީ ކުދިންގެ ސަލާމަތާއި ރައްކާތެރިކަމަށް ނުރައްކަލެއް ކުރިމަތިވެދާނެތީއާއި ފިލާފާނެތީއެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާމެދު ގޮތެއް ނިންމުމުގެ ޤަވާޢިދުގެ 7 ވަނަ މާއްދާއާއި ޤާނޫނުއަސާސީގެ 143(ރ) އާ ޚިލާފަށް ނެރުނު އަމުރެއް ކަމަށެވެ.

ކުޑަކުއްޖަކާމެދު ޖިންސީ ޢަމަލު ހިންގުމުގެ ތުހުމަތުގައި ބަންދުކުރެވިފައިވާ މީހަކު ބަންދުން ދޫކޮށްލުމަށް މެޖިސްޓްރޭޓް ކޯޓުން ނެރުނު އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59 އަދި 60 ވަނަ މާއްދާއާ އެއްގޮތަށް ނެރުނު އަމުރެއްތޯ.

ދަށުކޯޓުގެ އަމުރު ބާޠިލު، 15 ދުވަހަށް ކަސްޓޯޑިއަލް ޖަލެއްގައި ބަންދުކުރުމަށް އަމުރުކުރި

ތުހުމަތު އުފެދޭ މިންވަރުގެ ހެކި ޤަރީނާ ހުށަހަޅާފައިވާކަމާއި ތަޙްޤީޤު ނިމިފައިނުވާކަން އެނގޭތީ، ޖިނާއީ އިޖުރާއަތުގެ ޤާނޫނުގެ 60(ބ) އަށް ރިޢާޔަތްކޮށް ކުށުގެ ބާވަތާއި ޙާލަތަށް ބަލައި، މުޖްތަމަޢުގެ ސަލާމަތާއި ރައްކާތެރިކަމަށްޓަކައި ބަންދުގައި ބަހައްޓަންޖެހޭ މީހެއް ކަމަށް ނިންމިއެވެ.