2017/HC-A/193

ތުހުމަތުކުރެވޭ ފަރާތް ބަންދުގައި ނުބެހެއްޓިނަމަވެސް ތަޙްޤީޤު ފުރިހަމަކުރެވޭނެކަމަށް ފެންނާތީ ބަންދުން ދޫކޮށްލުމަށް މެޖިސްޓްރޭޓް ކޯޓުން އަމުރުކުރެއްވިއެވެ.

ކުޑަކުދިންނަށް އޮރިޔާން ވީޑިއޯ ދެއްކުމުގެ ތުހުމަތުގައި ބަންދުކުރެވުނު މީހެއްގެ ބަންދު އިތުރުކުރުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ، އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދުގެ ޤަވާޢިދުގެ 7 ވަނަ މާއްދާގެ (ހ) އަށާއި 143 ވަނަ މާއްދާގެ (ރ) އަށް ރިޢާޔަތް ނުކޮށް ނެރުއްވި އަމުރެއް ކަމަށާއި، މި ކުށަކީ ޤާނޫނު ނަންބަރު 12/2009 ގައިވާ ކުށަކަށްވާތީ ތަޙުޤީޤާއި ޝަރީޢަތުގެ މަރުޙަލާގައި ބަންދުގައި ބެހެއްޓެންޖެހޭ ކަމަށެވެ.

ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގައި ބަޔާންކޮށްފައިވާ ކުށެއްގެ ތުހުމަތުގައި ބަންދުކުރެވިފައިވާ މީހަކު، ތަޙްޤީޤު ފުރިހަމަކުރެވޭނެކަމަށް ފެންނާތީ ބަންދުން ދޫކޮށްލުމަށް މެޖިސްޓްރޭޓް ކޯޓުން ނެރުއްވި އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދުގެ ޤަވާޢިދުގެ 7 ވަނަ މާއްދާގެ (ހ) އާ ޚިލާފު އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ޤާނޫނު ނަންބަރު 12/2009 ގެ 30 އަދި 31 ވަނަ މާއްދާގައިވާ ޚާއްޞަ އިޖްރާއާތުތަކަށް ފުލުހުން ނުވަތަ ޕްރޮސިކިއުޓަރ ޖެނެރަލް ޢަމަލުކޮށްފައި ނުވާއިރު، ބަންދުގައި ބެހެއްޓިފައިވަނީ ޢާންމު އިޖްރާއާތުތަކާ އެއްގޮތަށް ކަމަށްވާތީ، ދޫކޮށްލުމުގެ އަމުރު ޝަރުޢީ ނުވަތަ ޤާނޫނީ އުޞޫލަކާ ޚިލާފުކަމަށް ބަލާނެ ހަމައެއް ނެތެވެ.