2017/HC-A/144

އިތުރަށް ބަންދުގައި ބަހައްޓަންޖެހޭ ސަބަބެއް އޮތްކަމަށް ނުފެންނާތީ ބަންދުން ދޫކޮށްލުމަށް ކްރިމިނަލް ކޯޓުން އަމުރުކުރެއްވިއެވެ.

ތުހުމަތުކުރެވޭ ފަރާތާއި އިތުރު މީހަކު ތިބި ކޮޓަރިން ކޯޓު އަމުރެއްގެ ދަށުން ބަލާފާސްކުރުމުގައި ގިނަ މިންވަރެއްގެ ކެނަބިސް ގިނަ ފައިސާއާއެކު ފެނުނެވެ. ފުލުހުން ބަންދު އިތުރުކުރަން އެދުނީ، ތުހުމަތުކުރެވޭ ފަރާތަކީ ބިދޭސީއަކަށްވެފައި ދޫކޮށްލައިފިނަމަ މިފަދަ ޢަމަލެއް ތަކުރާރުކޮށްފާނެތީ މުޖުތަމަޢުގެ ސަލާމަތަށްޓަކައެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ، އަމުރަކީ ޤާނޫނުއަސާސީގެ 49 އަދި 46 ވަނަ މާއްދާއާއި ބަންދުގެ ޤަވާޢިދުގެ 7 ވަނަ މާއްދާއަށް ރިޢާޔަތްނުކޮށް، އަދި ޤާނޫނުއަސާސީގެ 143 ވަނަ މާއްދާގެ (ރ) ގެ ދަށުން ތަބާވާންޖެހޭ 2010/SC-A/19 އާއި 2011/SC-A/33 ގެ އުޞޫލަށް ރިޢާޔަތްނުކޮށް ނެރުއްވި އަމުރެއް ކަމަށެވެ.

މަސްތުވާތަކެތި ގެންގުޅުމާއި ޓްރެފިކްކުރުމުގެ ތުހުމަތުގައިވާ ފަރާތް އިތުރަށް ބަންދުގައި ބަހައްޓަންޖެހޭ ސަބަބެއް ނުފެންނާތީ ދޫކޮށްލުމަށް ކްރިމިނަލް ކޯޓުން ނެރުއްވި އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދުގެ ޤަވާޢިދުގެ 7 ވަނަ މާއްދާއާއި ސުޕްރީމް ކޯޓުގެ 2010/SC-A/19 އަދި 2011/SC-A/33 ގައިވާ އުޞޫލާ ޚިލާފު އަމުރެއްތޯ.

ދަށުކޯޓުގެ އަމުރު ބާޠިލު، 15 ދުވަހަށް ބަންދުގައި ބެހެއްޓުމަށް އަމުރުކުރި

މަސްތުވާތަކެތީގެ ވިޔަފާރީގެ ކުށަކީ 2011/SC-A/33 ގައި ބަޔާންކުރެއްވި ގޮތުން މުޖުތަމަޢަށް ނުރައްކާތެރިކަން ބޮޑު ކުށަކަށްވެފައި، ތުހުމަތު އުފެދޭ މިންވަރުގެ ހެކި ޤަރީނާ ހުށަހަޅާފައިވާތީ، ތުހުމަތުކުރެވޭ ފަރާތް ދޫވެފައި ހުރުމަކީ މުޖުތަމަޢުގެ ސަލާމަތަށް ނުރައްކަލެއް އޮތް ކަމެކެވެ.