2017/HC-A/136

މުޖުތަމަޢުގެ ސަލާމަތާއި ރައްކާތެރިކަމަށްޓަކައި 2017 ފެބްރުއަރީ 22 އިން މާރޗް 07 އަށް ބަންދުގައި ބެހެއްޓުމަށް ކްރިމިނަލް ކޯޓުން އަމުރުކުރެއްވިއެވެ.

ދައުލަތުގެ އިސްވެރިންގެ މަސައްކަތަށް ނުފޫޒު ފޯރުވަން މަސައްކަތްކުރުމާއި، ބްލެކްމެއިލްކުރަން އުޅުމާއި، މީހުން ދައްކާ ވާހަކަ ސިއްރުން އަޑުއެހުމާއި ހުއްދަނޫން ގޮތުގައި މަޢުލޫމާތު ހޯދުމާއި ހާމަކުރުމުގެ ތުހުމަތުގައި އިސްތިއުނާފުކުރި ފަރާތް ބަންދުކުރެވުނެވެ. ތަޙްޤީޤުގެ ރިޕޯޓާއި ފޯނުގެ ޗެޓްލޮގްތަކާއި ޕޮލިސް އިންޓެލިޖެންސް ރިޕޯޓް ހެއްކެއްގެ ގޮތުގައި ހުށަހަޅާފައިވިއެވެ.

އިސްތިއުނާފުކުރި ފަރާތުން ބުނީ، އަމުރަކީ ޤާނޫނުއަސާސީގެ 49 ވަނަ މާއްދާއާއި 2010/SC-A/19 ގެ 9 ވަނަ ނުކުތާގައިވާ އުޞޫލާ ޚިލާފު އަމުރެއް ކަމަށާއި، ތުހުމަތުކުރެވޭ މިންވަރަށް ހެކި ނެތި ބަންދުކުރީ ކަމަށެވެ.

ދައުލަތުގެ އިސްވެރިންގެ މަސައްކަތަށް ނުފޫޒު ފޯރުވަން މަސައްކަތްކުރުމާއި ބްލެކްމެއިލްކުރުމާއި ހުއްދަނޫން ގޮތުގައި މަޢުލޫމާތު ހޯދުމާއި ހާމަކުރުމުގެ ތުހުމަތުގައިވާ ފަރާތް ބަންދުގައި ބެހެއްޓުމަށް ކްރިމިނަލް ކޯޓުން ނެރުއްވި އަމުރަކީ ޤާނޫނުއަސާސީގެ 49 ވަނަ މާއްދާއާއި 2010/SC-A/19 ގެ އުޞޫލާ ޚިލާފު، ނުވަތަ ތުހުމަތު އުފެދޭ މިންވަރުގެ ހެކި ނެތި ނެރުއްވި އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ތުހުމަތު އުފެދޭ މިންވަރުގެ ހެކި ލިބިފައިވާއިރު، ތަޙްޤީޤު ނުނިމި ކޯލް ރެކޯޑިންގްސް އާއި ފޮރެންސިކް ރިޕޯޓް ލިބެން ހުރުމާއި ހެކިންނަށް ނުފޫޒު ފޯރުވަން މަސައްކަތްކުރިކަމަށް ފުލުހުން ބުނުމުން، ދޫވެފައި ހުރުމަކީ މުޖުތަމަޢުގެ ސަލާމަތަށް ނުރައްކަލެއް އޮތް ކަމެއްކަމުގައި ފެނުނެވެ.