2016/HC-A/89

އެއްބަސްވުމުގައިވާ 1,665,360 ރުފިޔާއާއި ވަކީލުގެ ޚަރަދުގެ ގޮތުގައި 333,072 ރުފިޔާ 18 މަހުގެ ތެރޭގައި ދެއްކުމަށް ސިވިލް ކޯޓުން ޙުކުމްކުރިއެވެ.

ވިޔަފާރިއަށް އިންވެސްޓްކުރި ފައިސާ އަނބުރާ ދެއްކުމަށް ސޮއިކޮށް އިނގިލީގެ ނިޝާން ޖަހާފައިވާ އެއްބަސްވުމެއްގެ ދަށުން ފައިސާ ނުދައްކާތީ، އަސްލު ފައިސާއާއި ވަކީލުގެ އުޖޫރަ ހޯދުމަށް ހުށަހެޅި ދަޢުވާއެކެވެ.

އިސްތިއުނާފުކުރި ފަރާތުން ބުނީ ބުނާ ޢަދަދު ލިބިފައި ނުވާކަމަށާއި ފައިސާ ދިންގޮތުގެ ތަފްޞީލު ހުށަހަޅާފައި ނުވާކަމަށާއި، ވަކީލަށް ޚަރަދުކުރީ 10,000 ރުފިޔާ ކަމަށާއި، އެއްބަސްވުމުގައި ސޮއިކުރި ހެކިން ޙާޟިރުނުކުރީ ކަމަށެވެ.

ސޮއިކޮށް އިނގިލީގެ ނިޝާން ޖަހާފައިވާ އެއްބަސްވުމުގެ މައްޗަށް ބިނާކޮށް ފައިސާ ދައްކަންޖެހޭކަމަށް ކަނޑައެޅުމުގައި ހެކިން ޙާޟިރުނުކުރުމަކީ ކުށެއްތޯއާއި، ވަކީލުގެ އުޖޫރައިގެ ގޮތުގައި އެއްބަސްވުމުގައި ބަޔާންކުރާ ޢަދަދު ދަރަނިވެރިޔާގެ އަތުން ނަގައިދެވޭނެތޯ.

ބައެއް ބަދަލުކުރި: އަސްލު ފައިސާ ދައްކަންޖެހޭ ބައި ޤާއިމް، ވަކީލުގެ އުޖޫރައިގެ ބައި 10,000 ރުފިޔާއަށް ބަދަލުކުރި

އެއްބަސްވުމުގައި ސޮއިކުރިކަމަށް އިންކާރުނުކޮށް މަޖުބޫރުކުރުމެއް ނުވަތަ ނޭނގުމެއް ސާބިތުނުކުރާތީ ހެކިން ޙާޟިރުކުރަން ނުޖެހޭކަމަށާއި، ދަޢުވާކުރި ފަރާތަށް ހައިކޯޓުން ހުވާދިނުމުން އަސްލު ފައިސާގެ ބައި ޤާއިމްކުރިއެވެ. ވަކީލަށް ދީފައިވާކަން ސާބިތުވަނީ 10,000 ރުފިޔާ ކަމުން އުޖޫރައިގެ ބައި އެއަށް ބަދަލުކުރިއެވެ.