2016/HC-A/496

ދުވާފަރު މެޖިސްޓްރޭޓް ކޯޓުން ގޭގެ ޢިމާރާތް ދެފަރާތަށް ހަމަހަމައަށް ބައިކޮށް ކޮންމެ ފަރާތަކަށް 793 އަކަފޫޓް ކަނޑައަޅައި، ކުލީގެ ފައިސާ ލިބިދިނުމަށް އެދުނު ބައި ސާބިތުނުވާތީ ބަލައިނުގަތެވެ.

ސުނާމީއާ ގުޅިގެން ރ.ދުވާފަރުގައި ދީފައިވާ ގެއެއްގައި ދިރިއުޅުމަށް ވަދެވޭނެ ގޮތް ހަމަޖައްސައިދިނުމަށާއި، އެގެ ކުއްޔަށްދީގެން ލިބުނު ފައިސާއިން ބައި ލިބިދިނުމަށް އެދި އިސްތިއުނާފު ރައްދުވި ފަރާތުން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ގެ ދެބައިކުރުމަކީ ޝަރުޢީ އަދި ޤާނޫނީ އަސާސެއް ނެތި ކުރި ނިންމުމެއް ކަމަށާއި، ވަގުތީ ރަޖިސްޓްރީގައި ނަން ހިމެނުނު ގޮތަށާއި، ވާރުތައިގެ އުޞޫލުތަކަށާއި، ސުނާމީ ގޯތިގެދޮރު ހަމަޖެއްސި އުޞޫލަށް ރިޢާޔަތްނުކުރި ކަމަށެވެ.

ގެއަށް ވަދެ ދިރިއުޅެވޭނެ ގޮތް ހަމަޖައްސައިދިނުމަށާއި ކުލީގެ ފައިސާއިން ބައި ލިބިދިނުމަށް ހުށަހެޅި ދަޢުވާއެއްގައި، ދަޢުވާކުރި ފަރާތް އެދިފައިނުވާ ގޮތަކަށް ގެ ދެފަރާތަށް ހަމަހަމައަށް ބައިކޮށްދީ ދަށުކޯޓުން ޙުކުމްކުރުމަކީ ޞައްޙަ ނިންމުމެއްތޯ.

ދަށުކޯޓުގެ ޙުކުމުގެ ބައެއް ބާޠިލުކުރި (ގެ ބައިކޮށްދިން ބައި)

ދަޢުވާ ފޯމަށް ބަލާއިރު ދަޢުވާކުރި ފަރާތް އެދިފައިވަނީ ގެއަށް ވަދެ ދިރިއުޅެވޭނެ ގޮތް ހަމަޖައްސައިދިނުމަށާއި ކުލީގެ ފައިސާ ލިބިދިނުމަށް ކަމުން، އޭނާ އެދިފައިނުވާ ގޮތަކަށް ގެ ހަމަހަމައަށް ބައިކޮށްދިނުމަކީ ދަޢުވާގެ ޞީޣާއާ ޚިލާފު ނިންމުމެކެވެ.