2016/HC-A/461

ހުޅުމާލެ މެޖިސްޓްރޭޓް ކޯޓުން، އެއްބަސްވުމާ އެއްގޮތަށް ފައިސާ ދައްކާ ޚަލާޞްކޮށްފައިވާކަން ދަޢުވާކުރާ ފަރާތުން ސާބިތު ނުކުރާތީ، ސިޓީއަކީ އެއްބަސްވުމާ ޚިލާފަށް ފޮނުވި ސިޓީއެއްކަމަށް ނުބެލެވޭކަމަށް ކަނޑައަޅައި ދަޢުވާ ބާޠިލުކުރިއެވެ.

ހުޅުމާލޭގެ ގޯއްޗެއް ވިއްކުމަށް 2007 ގައި ވެވުނު އެއްބަސްވުމުގެ ދަށުން ދައްކަންޖެހޭ ފައިސާ ނުދައްކާތީ، ފައިސާ ދެއްކުމަށް ފުރުޞަތުދީ ސިޓީތައް ފޮނުވުމަށްފަހު، އެޗް.ޑީ.ސީ އިން 2015 ސެޕްޓެމްބަރުގައި އެއްބަސްވުން ނިމުމަކަށް ގެނެސް ގޯތި އަނބުރާ ޙަވާލުކުރަން އެންގިއެވެ.

އިސްތިއުނާފުކުރި ފަރާތުން ބުނީ ދަށުކޯޓުން ދަޢުވާގެ އަސާސް އޮޅުވާލައި، ހުށަހެޅި ލިޔުންތަކަށް ރިޢާޔަތް ނުކޮށް ނިންމިކަމަށާއި، 2010 ގެ ނޯޓިހަށްފަހު އިތުރު ނޯޓިހެއް ނުދީ، އަދި ނުދައްކާ ޢަދަދު އެއްބަސްވުމުގެ 16 (ށ) އާ ޚިލާފަށް ހިސާބުކޮށްފައިވާކަމަށެވެ.

ހުޅުމާލޭން ގޯތި ވިއްކުމުގެ އެއްބަސްވުން ނިމުމަކަށް ގެނެސްފައިވާކަން އަންގައި ފޮނުވި ސިޓީއަކީ އެއްބަސްވުމާ ޚިލާފަށް ފޮނުވި ބާޠިލު ސިޓީއެއްތޯ؛ އަދި ދަށުކޯޓުން ދަޢުވާގެ އަސާސް އޮޅުވާލައި، ހުށަހެޅި ލިޔުންތަކަށް ރިޢާޔަތް ނުކޮށް ޙުކުމްކުރީތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަށުކޯޓުން ނިންމީ ހުށަހެޅި ދަޢުވާއާމެދު ކަމާއި ލިޔުންތަކަށް ނަޒަރުކޮށްފައިވާކަމާއި، 2015 ގެ ސިޓީތަކަކީ އެއްބަސްވުމުގެ ދަށުގެ ނޯޓިސްގެ ގޮތުގައި ބެލެވޭ ސިޓީތަކެއްކަމާއި، ފައިސާ ނުދައްކާކަން ދަޢުވާކުރާ ފަރާތުގެ ބަހުން އެނގޭކަމާއި، ހިސާބާ ދެކޮޅުވާނަމަ ކޯޓަށް ހުށަހެޅުމުގެ މަގު އޮތްކަމަށް ކޯޓުން ކަނޑައެޅިއެވެ.